Nelson MCBS

"In the Evening of the Life We will be Judged on Love Alone." St John of the Cross

    Advertisements
  • Love Alone

  • Visitors Status

    • 3,390,448 Visitors. Thank You for Your Visits... Visit Again Please...!
  • Enter your email address to subscribe to this blog and receive notifications of new posts by email.

    Join 11,082 other followers

  • Sign in

  • Advertisements

Homily, Nombukalam 2nd Sunday, Dr Jacob Naluparayil

Posted by Nelson MCBS on March 4, 2017

Sunday Homily, Syro-Malabar

Nombukalam Second Sunday

Fr Jacob Naluparayil MCBS

മാർച്ച് 5 നോമ്പ് രണ്ടാം ഞായർ
ഡോ. ജെ. നാലുപറയിൽ

ആരാണ് സ്വർഗ്ഗരാജ്യത്തിന്റെ പ്രവേശിക്കുക? ആരാണ് അതിന് പുറത്താവുക? ഇതാണ് ഈശോ ഇന്ന് നമ്മോട് പറഞ്ഞുതരുന്നത്. മത്താ 7:21 ൽ പറയുന്നു: ”കർത്താവേ, കർത്താവേ എന്ന് എന്നെ വിളിക്കുന്നവനല്ല സ്വർഗ്ഗരാജ്യത്തിൽ പ്രവേശിക്കുക.”
തുടർന്ന് അടുത്ത വചനം പറയുന്നു: ”അന്ന് പലരും എന്നോട് ചോദിക്കും. കർത്താവേ, കർത്താവേ ഞങ്ങൾ നിന്റെ നാമത്തിൽ പ്രവചിക്കുകയും, നിന്റെ നാമത്തിൽ പിശാചുക്കളെ പുറത്താക്കുകയും, നിന്റെ നാമത്തിൽ നിരവധി അത്ഭുതങ്ങൾ പ്രവർർത്തിക്കുകയും ചെയ്തില്ലേ? അപ്പോൾ ഞാൻ അവരോട് പറയും- ഞാൻ നിങ്ങളെ ഒരിക്കലും അറിഞ്ഞിട്ടില്ല. അനീതി പ്രവർത്തിക്കുന്നവരെ നിങ്ങൾ എന്നിൽ നിന്ന് അകന്നുപോകുവിൻ.” (മർത്താ 7:22-23).
അപ്പോൾ സ്വർഗ്ഗരാജ്യത്തിൽ പ്രവേശിക്കാനുള്ള വഴി, ക്രിസ്തുവിനാൽ അറിയപ്പെടുക; ക്രിസ്തു എന്നെ അറിയുക എന്നതാണ്.
എങ്ങനെയാണ് ക്രിസ്തു എന്നെ അറിയുന്നത്? അതിനുള്ള വഴി 7:21-ൽ പറയുന്നുണ്ട്. ”എന്റെ പിതാവിന്റെ ഇഷ്ടം നിറവേറ്റുന്നവനാണ് സ്വർഗ്ഗരാജ്യത്തിൽ പ്രവേശിക്കുന്നത്.”
പക്ഷേ  ദൈവഹിതം ചെയ്യുന്നവനെ എങ്ങനെയാണ് ക്രിസ്തു അറിയുന്നത്? അതിനുള്ള ഉത്തരം മത്താ 12:50 ൽ പറയുന്നുണ്ട്. ഈശോയുടെ അമ്മയും സഹോദരങ്ങളും അവനെ വിളിക്കാൻ വന്നപ്പോൾ ഈശോപറയുന്ന മറുപടിയാണത്: ”ആരാണ് എന്റെ അമ്മ? ആരാണ് എന്റെ സഹോദരർ? സ്വർഗ്ഗസ്ഥനായ എന്റെ പിതാവിന്റെ ഇഷ്ടം നിറവേറ്റുന്നവനാരോ അവനാണ് എന്റെ സഹോദരനും സഹോദരിയും അമ്മയും.”
ദൈവഹിതം ചെയ്യുന്നവൻ ക്രിസ്തുവിന്റെ സഹോദരനാകുന്നു. അതായത് ക്രിസ്തുവുമായി അവൻ രക്തബന്ധത്തിലാകുന്നു. അതിനുകാരണം ക്രിസ്തുവാണ് ദൈവഹിതം അതിന്റെ പൂർണ്ണതയിൽ നിറവേറ്റിയവൻ. അങ്ങനെയാണ് അവൻ ദൈവപുത്രനായിത്തീർന്നത്. ഗദ്സമേനിയിലെ അവന്റെ പ്രാർത്ഥന അതാണ് വെളിവാകുന്നത്- ”പിതാവേ എന്റെ ഹിതമല്ല നിന്റെ ഹിതം നിറവേറട്ടെ!” (മത്താ 26:39).
ദൈവഹിതം നടപ്പിലാക്കി ഈശോ ദൈവപുത്രനായിത്തീർന്നതിനാൽ ദൈവഹിതം ചെയ്യുന്നവനൊക്കെ ക്രിസ്തുവുമായി രക്തബന്ധത്തിലാകുന്നു. രക്തബന്ധമുള്ളതിനാൽ ഈശോ അവനെ അറിയുന്നു.
എന്നാൽ, ദൈവഹിതം അനുസരിച്ചു നീ ദൈവപുത്രനായിത്തീർന്നിട്ടുണ്ടോ എന്ന് എങ്ങനെ അറിയാം? കാറ്റും, മഴയും, വെള്ളപ്പൊക്കവും വരുമ്പോഴാണ് അത് തിരിച്ചറായാനാവുന്നത് (7:24-25). അതായത് ജീവിതത്തിലെ പ്രതിസന്ധികളിലാണ് പാറമേൽ പണിയപ്പെട്ട വീടും, മണൽപ്പുറത്തുള്ള പണിതുവീടും വേർതിരിച്ചറിയാവുന്നത്. ദൈവഹിതമാകുന്ന പാറമേൽ ഭവനം പണിതവൻ വലിയ പ്രതിസന്ധികളിലും വീണുപോകാതെ ഉറച്ചു നിൽക്കും.
മറ്റൊരിടത്ത് ഈശോ പ്രതിസന്ധിയുടെ ഈ കാര്യം അൽപ്പം കൂടെ വ്യക്തമാക്കുന്നുണ്ട്. യോഹ 15:1-2ൽ അവൻ പറയുന്നു: ”ഞാൻ സാക്ഷാൽ മുന്തിരിച്ചെടിയും എന്റെ പിതാവ് കൃഷിക്കാരനുമാണ്. എന്നിൽ ഫലം തരാത്ത എല്ലാ ശാഖകളെയും അവിടുന്ന് നീക്കിക്കളയുന്നു. എന്നാൽ, ഫലം തരുന്നതിനെ കൂടുതൽ കായ്ക്കാനായി അവിടുന്നു വെട്ടിയൊരുക്കുകയും ചെയ്യുന്നു (യോഹ 15:1-2).
എല്ലാ ശിഖരങ്ങൾക്കും വെട്ട് ഏൽക്കുന്ന എന്നതാണ് സത്യം. ”ഏൽക്കുന്ന വെട്ട്” ജീവിതത്തിന്റെ പ്രതിസന്ധികൾ തന്നെയാണ്. ചില ശിഖരങ്ങൾ വെട്ട് ഏൽക്കുമ്പോൾ തായ്ത്തടിയിൽ നിന്നും അകന്നുപോകുന്നു. മറ്റു ചിലവ തായ്ത്തണ്ടിനോട് കൂടുതൽ ചേർന്നുനിൽക്കുന്നു. പ്രതിസന്ധികളിൽ താഴ്ത്തണ്ടിനോട് ചേർന്നു നിൽക്കുന്നു ശാഖയാണ് കൂടുതൽ ഫലം പുറപ്പെടുവിക്കുന്നത്. താഴ്ത്തണ്ടിനോട് ചേർന്നുനിൽക്കാത്ത ശിഖരം കരിഞ്ഞുണങ്ങിപ്പോകുകയും ചെയ്യുന്നു.
അങ്ങനെയെങ്കിൽ പ്രതിസന്ധികളാകുന്ന ‘വെട്ടലുകൾ’ ഒരു സാധ്യതയാണ്. തായ്ത്തണ്ടിനോട് കൂടുതൽ ചേർന്നു നിൽക്കാനുള്ള അവസരം. ഓരോ പ്രതസന്ധിയിലും നീ ദൈവഹിതം അന്വേഷിക്കുക. തായ്തണ്ടായ തമ്പുരാനോട് കൂടുതൽ ചേർന്നു നിൽക്കുക. അപ്പോൾ നീ കൂടുതലായി ദൈവത്തിന്റെ മകൻ/മകൾ ആയി രൂപാന്തരപ്പെടും. അങ്ങനെ നീ ക്രിസ്തുവിന്റെ സഹോദരനാകും. ക്രിസ്തുനിന്നെ അറിയുന്ന അവസ്ഥയുണ്ടാകും. അങ്ങനെ നീ സ്വർഗ്ഗരാജ്യത്തിനുള്ളിൽ ആകും.
ഫ്രാൻസീസ് പാപ്പായുടെ തോട്ടക്കാരന്റെ കഥ (ഓഡിയോ കേൾക്കുക).

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

 
%d bloggers like this: