ഇന്നു പകല്‍ മുഴുവന്‍…
Advertisements
ഇന്നു പകല്‍ മുഴുവന്‍ – കരുണയോ-
ടെന്നെ സൂക്ഷിച്ചവനേ
നന്ദിയോടെ തിരുനാമ-ത്തിന്നു സദാ
വന്ദനം ചെയ്തിടുന്നേന്‍
അന്നവസ്ത്രാദികളും – സുഖം ബല
മെന്നിവകള്‍ സമസ്തം
തന്നടിയാനെ നിത്യം – പോറ്റീടുന്ന
ഉന്നതന്‍ നീ പരനേ
ഇന്നു പകല്‍…
മന്നിടം തന്നിലിന്നും പലജനം
ഖിന്നരായ് മേവിടുമ്പോള്‍
നിന്നടിയാനു സുഖം – തന്ന കൃപ
വന്ദനീയം പരനേ
ഇന്നു പകല്‍…
തെറ്റുകുറ്റങ്ങളെന്നില്‍ – വന്നതള
വറ്റ നിന്‍റെ കൃപയാല്‍
മുറ്റും ക്ഷമിക്കേണമേ – അടിയനെ
ഉറ്റു സ്നേഹിച്ചവനേ
ഇന്നു പകല്‍…
എന്‍ കരുണേശനുടെ – ബലമെഴും
തങ്കനാമമെനിക്കു
സങ്കേത പട്ടണമാം – അതിലകം
ശങ്കയെന്യേ വസിക്കും
ഇന്നു പകല്‍…
വല്ലഭന്‍ നീ ഉറങ്ങാ – തടിയാനെ
നല്ലപോല്‍ കാത്തിടുമ്പോള്‍
ഇല്ലരിപുഗണങ്ങള്‍ – ക്കധികാരം
അല്ലല്‍ പെടുത്തീടുവാന്‍
ഇന്നു പകല്‍…
ശാന്തതയോടു കര്‍ത്താ – തിരുമുന്നില്‍
ചന്തമായിന്നുറങ്ങി
സന്തോഷമോടുണരേണം- ഞാന്‍ തിരു
കാന്തി കണ്ടുല്ലസിപ്പാന്‍
ഇന്നു പകല്‍…
Advertisements
Advertisements
Nelson MCBS 