⚜️⚜️⚜️ January 1️⃣3️⃣⚜️⚜️⚜️ പോയിറ്റിയേഴ്സിലെ വിശുദ്ധ ഹിലരി
⚜️⚜️⚜️⚜️⚜️⚜️⚜️⚜️⚜️⚜️⚜️⚜️
315-ല് അക്വിെയിനിലെ പോയിറ്റിയേഴ്സ് എന്ന സ്ഥലത്താണു തിരുസഭയുടെ മഹാേവേദപാരംഗതന് എന്നറിയപ്പെടുന്ന ഹിലരി ജനിച്ചത്. അക്രൈസ്തവനായിരുന്ന ഹിലരി അവിചാരിതമായി വിശുദ്ധ ബൈബിള് വായിക്കാന് ഇടയായി. വി. ഗ്രന്ഥത്തിലെ സത്യവചനങ്ങള് അദ്ദേഹത്തിന് സത്യദൈവത്തെ കാട്ടിക്കൊടുത്തു. ഉടന്തന്നെ അദ്ദേഹം ക്രൈസ്തവ മതം സ്വീകരിച്ചു. താമസിയാതെ ഭാര്യയേയും മക്കളേയും അദ്ദേഹം ക്രിസ്തുമതത്തിലേക്കു ചേര്ത്തു. ക്രിസ്തുമതം സ്വീകരിച്ചപ്പോള് ഇദ്ദേഹം മദ്ധ്യവയസ്കനായിരുന്നു. അല്പനാളുകള്ക്കുശേഷം ഹിലാരി തിരുപ്പട്ടം സ്വീകരിച്ച് വൈദികനായി. 353 ല് വിശുദ്ധനെ സ്വദേശത്തെ മെത്രാനായി നിയമിച്ചു. ആര്യന് പാഷണ്ഡത തഴച്ചു വളര്ന്ന കാലഘട്ടമായിരുന്നു അത്.
അന്നത്തെ ചക്രര്ത്തിയായിരുന്ന കോണ്സ്റ്റാന്സിയൂസിന്റെ പിന്തുണയും അവര്ക്കായിരുന്നു. സംഖ്യാബലത്തില് അധികമായിരുന്നഇവരുടെ നുഴഞ്ഞുകയറ്റത്തെ തടയാന് പല പ്രാദേശിക സൂനഹദോസുകളിലും വിശുദ്ധന് പങ്കെടുത്തു. ആര്യന് പാഷണ്ഡികളെ ശക്തമായി എതിര്ത്തിരുന്നതിനാല് അവര് ചക്രവര്ത്തിയുടെ മുമ്പാകെ വിശുദ്ധനെതിരായി കുറ്റം ചുമത്തുകയും പ്രീജിയായിലേക്കു നാടുകടത്തുകയും ചെയ്തു. ഈ കാലത്താണു വിശുദ്ധന് പരി. ത്രീത്വത്തെക്കുറിച്ചുള്ള ഒരു മഹാഗ്രന്ഥം രചിച്ചത്. കത്തോലിക്കരും ആര്യന്പാഷണ്ഡികളും തമ്മില് മേധാവിത്വത്തിനായി സമരം ചെയ്ത സെലൂക്യാ സൂനഹദോസില് വിശുദ്ധന് പങ്കെടുക്കുകയും ആര്യന് പാഷണ്ഡികളെ പരാജയെപ്പടുത്തുകയും ചെയ്തു.
പിന്നീടു വിശുദ്ധന് കോണ്സ്റ്റാന്റിനോപ്പിള്, ഇലി, ഇല്ലീരിയാ മുതലായ പ്രദേശങ്ങളില് ചുറ്റി സഞ്ചരിച്ച് പാഷണ്ഡിതകള്ക്കെതിരെ പ്രസംഗിക്കുകയും കത്തോലിക്കാ വിശ്വാസത്തിനു പ്രാധാന്യം വരുത്തുകയും ചെയ്തു. ഏതു പ്രവൃത്തിയും ദൈവസ്തുതി ചൊല്ലി ആരംഭിച്ചിരുന്ന വിശുദ്ധന് ദൈവികകാര്യങ്ങളെപ്പറ്റി രാപകല് ധ്യാനിച്ചും പ്രാര്ത്ഥിച്ചും കൊണ്ടാണ് ജീവിച്ചിരുന്നത്. എട്ടുകൊല്ലത്തെ പ്രേഷിതവൃത്തിക്കുശേഷം തിരികെ പോയിന്റേഴ്സിലെത്തിയ വിശുദ്ധന് 363 ല് സമാധാനപൂര്വം മരണം പ്രാപിച്ചു.
⚜️⚜️⚜️⚜️⚜️⚜️⚜️⚜️⚜️⚜️⚜️⚜️
മനുഷ്യന് ദൈവത്തെ കൊള്ളയടിക്കുമോ! എന്നാല് നിങ്ങള് എന്നെ കൊള്ളചെയ്യുന്നു. എങ്ങനെയാണ് ഞങ്ങള് അങ്ങയെ കൊള്ളചെയ്യുന്നതെന്ന് നിങ്ങള് ചോദിക്കുന്നു. ദശാംശങ്ങളിലും കാഴ്ചകളിലുംതന്നെ.
മലാക്കി 3 : 8
നിങ്ങള് – ജനം മുഴുവനും – എന്നെ കൊള്ളചെയ്യുന്നതുകൊണ്ടു നിങ്ങള് അഭിശപ്തരാണ്.
മലാക്കി 3 : 9
ദശാംശം മുഴുവന് കലവറയിലേക്കു കൊണ്ടുവരുവിന്. എന്റെ ആലയത്തില് ഭക്ഷണം ഉണ്ടാകട്ടെ. ഞാന് നിങ്ങള്ക്കായി സ്വര്ഗകവാടങ്ങള് തുറന്ന് അനുഗ്രഹം വര്ഷിക്കുകയില്ലേ എന്നു നിങ്ങള് പരീക്ഷിക്കുവിന് – സൈന്യങ്ങളുടെ കര്ത്താവ് അരുളിച്ചെയ്യുന്നു.
മലാക്കി 3 : 10
ഞാന് നിങ്ങള്ക്കു വേണ്ടി വെട്ടുകിളികളെ ശാസിക്കും. അവ നിങ്ങളുടെ ഭൂമിയിലെ ഫലങ്ങള് നശിപ്പിക്കുകയില്ല. നിങ്ങളുടെ വയലുകളിലെ മുന്തിരിച്ചെടികള് ഫലശൂന്യമാവുകയില്ല – സൈന്യങ്ങളുടെ കര്ത്താവ് അരുളിച്ചെയ്യുന്നു:
മലാക്കി 3 : 11
അനുഗൃഹീതര് എന്നു ജനതകള് നിങ്ങളെ വിളിക്കും. നിങ്ങളുടെ ദേശം ആനന്ദത്തിന്റെ ദേശമാകും – സൈന്യങ്ങളുടെ കര്ത്താവ് അരുളിച്ചെയ്യുന്നു.
മലാക്കി 3 : 12
നിങ്ങള് തിടുക്കം കൂട്ടേണ്ടാ; വേഗം ഓടുകയും വേണ്ടാ. കര്ത്താവ് നിങ്ങളുടെ മുന്പില് നടക്കും. ഇസ്രായേലിന്റെ ദൈവമായിരിക്കും നിങ്ങളുടെ പിന്കാവല്ക്കാരന്.
ഏശയ്യാ 52 : 12
ഉണര്ന്നു പ്രശോഭിക്കുക; നിന്റെ പ്രകാശം വന്നുചേര്ന്നിരിക്കുന്നു. കര്ത്താവിന്റെ മഹത്വം നിന്റെ മേല് ഉദിച്ചിരിക്കുന്നു.
ഏശയ്യാ 60 : 1
എന്റെ ആത്മാവിനെ ഞാന് നിങ്ങളില് നിവേ ശിപ്പിക്കും. നിങ്ങളെ എന്റെ കല്പനകള് കാക്കുന്നവരും നിയമങ്ങള് പാലിക്കുന്നതില് ശ്രദ്ധയുള്ളവരുമാക്കും.
എസെക്കിയേല് 36 : 27
ഒരുവന് ലോകം മുഴുവന് നേടിയാലും തന്റെ ആത്മാവിനെ നഷ്ടപ്പെടുത്തിയാല് അതുകൊണ്ട് അവന് എന്തു പ്രയോജനം?
മര്ക്കോസ് 8 : 36
ഒരു പുതിയ ഹൃദയം നിങ്ങള്ക്കു ഞാന് നല്കും; ഒരു പുതുചൈതന്യം നിങ്ങളില് ഞാന് നിക്ഷേപിക്കും; നിങ്ങളുടെ ശരീരത്തില്നിന്ന് ശിലാഹൃദയം എടുത്തുമാറ്റി മാംസളഹൃദയം നല്കും.
എസെക്കിയേല് 36 : 26
നിങ്ങളുടെ തലയിലെ ഓരോ മുടിയിഴയും എണ്ണപ്പെട്ടിരിക്കുന്നു.
മത്തായി 10 : 30