ഫ്രാൻസീസ് പാപ്പയുടെ മരിയൻ വിചാരങ്ങൾ 13

പരിശുദ്ധ മറിയത്തോടൊത്തുള്ള പ്രാത്ഥന മനോഹരമാണ്

ബെൽജിയം സ്വദേശിയായ മിറിയം ബെഡോണ 2014-ൽ സ്ഥാപിച്ച ഒരു മരിയൻ പ്രാർത്ഥനാ ശൃംഖലയാണ് ദി സെന്റിനൽസ് ഓഫ് ദി ഹോളി ഫാമിലി “Sentinels of the Holy Family,”. പൂർണ്ണമായും സ്ത്രീകൾ അംഗങ്ങളായ ഈ ഗ്രൂപ്പ് , മറിയത്തിന്റെ എളിമ, ആർദ്രത, മാതൃ പരിചരണം എന്നിവയിൽ നിന്ന് പ്രചോദനം ഉൾക്കൊണ്ട്, സഭയ്ക്കും ലോകത്തിനും വേണ്ടിയുള്ള നിയോഗങ്ങൾ ജപമണികളായി ദൈവത്തിനു സമർപ്പിക്കുന്നു.

2022 ജനുവരി മാസം 11 ാം തിയതി ദി സെന്റിനൽസ് ഓഫ് ദി ഹോളി ഫാമിലി ഗ്രുപ്പിലെ അഗംങ്ങളെ ഫ്രൻസിസ്‌ പപ്പാ കണ്ടപ്പോൾ പരിശുദ്ധ മാതാവിനോടൊപ്പമുള്ള പ്രാർത്ഥനയുടെ ഭംഗി എടുത്തുകാണിക്കുകയും ഗ്രൂപ്പിന്റെ ലാളിത്യം, വിനയം, ആഴമായ മരിയൻ ഭക്തി എന്നിവയെ പ്രശംസിക്കുകയും ചെയ്തു. ഒരു ദശാബ്ദം മുമ്പ് സ്ഥാപിതമായ ഈ പ്രാത്ഥന ശൃംഖല സ്ത്രീകളെ ദൈനംദിന പ്രാർത്ഥനയിൽ ഒന്നിപ്പിക്കുന്നു. പ്രസ്തുത ദിനത്തിലെ സന്ദേശത്തിൽ ഫ്രൻസിസ്‌ പപ്പാ മൂന്നു കാര്യങ്ങൾ ഊന്നിപ്പറഞ്ഞു

1. ലളിതവും വിശ്വസ്തവുമായ പ്രാർത്ഥനയുടെ ശക്തി

ജപമാല പ്രാത്ഥന മനുഷ്യ ദൃഷ്ടിയിൽ ഒരു ചെറിയ പ്രവൃത്തിയാണെങ്കിലും ദൈവത്തിന്റെ ദൃഷ്ടിയിൽ മഹത്തായ ഒരു പ്രവൃത്തിയാണ്. ദിവസേന ജപമാല ചൊല്ലുന്ന ശൃംഖലയുടെ രീതിയെ ഫ്രാൻസിസ് മാർപാപ്പ പ്രശംസിച്ചു. കൂട്ടായ്മയിൽ ചെയ്യുന്ന ലളിതവും വിശ്വസ്തവുമായ പ്രവർത്തനങ്ങൾക്ക് വലിയ ആത്മീയ ഫലം പുറപ്പെടുവിക്കാൻ കഴിയുമെന്ന് അദ്ദേഹം ഊന്നിപ്പറഞ്ഞു. വിശ്വാസത്തിലൂടെ ശക്തമാക്കപ്പെടുന്ന ചെറുതും മറഞ്ഞിരിക്കുന്നതുമായ കാര്യങ്ങൾ മനസ്സിലാക്കാൻ ജപമാല പ്രാത്ഥന വിശ്വാസികളെ സഹായിക്കുന്നു.

2. എല്ലാ അമ്മമാർക്കും മാതൃകയായ മറിയം

രണ്ടാമതായി പരിശുദ്ധ കന്യകാമറിയത്തിന്റെ മാതൃകയിൽ ആത്മീയ മാതൃത്വത്തിലേക്കുള്ള ദി സെന്റിനൽസ് ഓഫ് ദി ഹോളി ഫാമിലി ഗ്രുപ്പ് അംഗങ്ങളോട് മറിയത്തിന്റെതുപോലുള്ള മധ്യസ്ഥ മനോഭാവം കരുതലുള്ള ഹൃദയം സഭയ്ക്കും ലോകത്തിനുമുള്ള മാതൃസ്നേഹം എന്നിവയോട് അനുരൂപപ്പെടാൻ അദ്ദേഹം ആഹ്വാനം ചെയ്തു. അവരുടെ വ്യക്തിപരമായ വിളി എന്തുതന്നെയായാലും ഓരോ സ്ത്രീയും ഒരു അമ്മയെന്ന നിലയിൽ മറിയത്തിന്റെ ജീവിത മാതൃകയിൽ പങ്കുചേരാൻ ക്ഷണിക്കപ്പെട്ടിരിക്കുന്നു.

3. പരുഷമായ ലോകത്ത് ആർദ്രതയുടെ സാക്ഷി

ഇന്നത്തെ ലോകത്തിന്റെ കാഠിന്യത്തെയും നിസ്സംഗതയെയും കുറിച്ച് പാപ്പാ വിലപിക്കുകയും മറിയത്തിന്റെ ഒരു പ്രധാന സ്വഭാവമായ ആർദ്രതയുടെ ആവശ്യകതയെ അടിവരയിടുകയും ചെയ്തു. അവളുടെ ക്ഷമയും, കാരുണ്യവും, മനസ്സിലാക്കലും അവളുടെ ഹൃദയം ഉൾക്കൊള്ളാനും പപ്പാ അദ്ദേഹം “സെന്റിനലുകളെ” പ്രോത്സാഹിപ്പിച്ചു. മറിയത്തിന്റെ ആർദ്രതയെ ജീവിക്കുക എന്നത് സഭയുടെയും മാനവികതയുടെയും പ്രാർത്ഥനാപൂർവ്വമായ സംരക്ഷകരെന്ന നിലയിൽ സെന്റിനലുകളുടെ ദൗത്യത്തിന്റെ കേന്ദ്രബിന്ദുവാണെന്ന് പപ്പാ പറഞ്ഞു.

ഫ്രാൻസിസ് പാപ്പ ദി സെന്റിനൽസ് ഓഫ് ദി ഹോളി ഫാമിലി നെറ്റ്‌വർക്കിന്റെ സാന്നിധ്യത്തിന് നന്ദി പറഞ്ഞുകൊണ്ടും ധൈര്യത്തോടും ലാളിത്യത്തോടും ഹൃദയത്തോടും കൂടി തങ്ങളുടെ പ്രാത്ഥനകളും പ്രവർത്തനങ്ങളും തുടരാൻ അവരെ പ്രോത്സാഹിപ്പിച്ചുകൊണ്ടും സന്ദേശം ഉപസംഹരിച്ചു.

ഫാ. ജയ്സൺ കുന്നേൽ MCBS