പകർച്ചവ്യാധികൾക്ക് എതിരായ മധ്യസ്ഥയാണെങ്കിലും അത്രയൊന്നും അറിയപ്പെടാതെപോയ വിശുദ്ധ കൊറോണയുടെ ജീവിതം അടുത്തറിയാം, ലോകത്തെ വിറപ്പിക്കുന്ന ‘കൊറോണാ വൈറസി’ൽനിന്ന് മുക്തി ലഭിക്കാൻ വിശുദ്ധയുടെ മധ്യസ്ഥവും തേടാം. കൊറോണ എന്ന് കേൾക്കുമ്പോൾ ഇന്ന് ലോകമെങ്ങും അനർത്ഥം വിതയ്ക്കുന്ന രോഗാണുവിനെക്കുറിച്ചുള്ള ഭീതിയാണ് ഉണ്ടാകുന്നതെങ്കിലും സത്യത്തിൽ ‘കൊറോണ’ വൈറസല്ല, ക്രിസ്തുവിശ്വാസത്തെപ്രതി ജീവൻ ത്വജിച്ച രക്തസാക്ഷിയാണ്. ക്രിസ്തുമതത്തിന് സ്വാതന്ത്ര്യം ലഭിക്കുന്നതിനുമുമ്പ് മൃഗീയമായി കൊല്ലപ്പെട്ട 16 വയസുകാരിയായ വിശുദ്ധയാണ്. മാത്രമല്ല, പകർച്ചവ്യാധികൾക്ക് എതിരായ വിശേഷാൽ മധ്യസ്ഥകൂടിയാണ് വിശുദ്ധ കൊറോണ. വിശുദ്ധ കൊറോണ ജീവിച്ചിരുന്ന സ്ഥലത്തെക്കുറിച്ച് വിഭിന്നമായ…