ജീവിതമെന്നത് പൂക്കൾക്ക് സമാനമാണ്. വിടരും മുൻപേ കൊഴിയാം , വാടാം,പൂക്കാം അതു പോലെയാണ് നമ്മുടെ നവമാധ്യമങ്ങളും. നവമാധ്യമങ്ങളുടെ സ്വാധീനം വളരേ വലുതാണ്. അത് കുട്ടികളുടെയിടയിലും സ്വാദീനം ചെലുത്തുന്നു. കുട്ടികളുടെ മനസ്സ് കളിമണ്ണു പോലെയാണ്. ഏത് രൂപവും അതിൽ രൂപപ്പെടുത്താം. മാധൃമങ്ങളെ മാറ്റി നിര്‍ത്തി ഈ ചുറ്റുപാടുകളെ പറ്റി ചിന്തിക്കാനാവില്ല. കാരണം കുട്ടികൾ മാധ്യമങ്ങളുടെ ലോകത്തിലേക്കാണ് പിറന്നു വീഴുന്നത്.

ഡോ. ടി.വി മാത്യുവിന്റെ ആർട്ടികൾ കഴിഞ്ഞ ദിവസങ്ങളിൽ വായിക്കുവാനിടയായി.അതിൽ അദ്ദേഹം ദൃശൃമാധൃമങ്ങളുടെ ദൂഷൃഭലത്തെ കുറിച്ച് എഴുതിയിട്ടുണ്ട്. 1998-ൽ ഇന്ത്യടുഡേ നടത്തിയ ഒരു സർവെയിൽ കുടുംബത്തിന്റെ തകര്‍ച്ചയും, നവമാധൃമങ്ങളുടെ സ്വാധീനം കാരണം കു ട്ടികളിൽ ആക്രമണ പ്രവണതയും വിദ്വേഷവും വർദ്ദിക്കുന്നതായി കണ്ടെത്തി.ടി.വി,ക്ക് ശേഷം ഇപ്പോൾ ഇൻറ്റർനെറ്റും, മൊബൈൽ ഫോണും തരംഗമായി മാറുന്നു.അത് യുവതലമുറയേ സ്പർശിക്കുന്നു. തിന്മയും ,നന്മയും ഒരുപോലെ നമ്മിലേക്ക് ചേരാം. അതിൽ നിന്ന് തിന്മയേ എടുത്തു മാറ്റി നന്മയേ സ്വീകരിക്കുക.

21 നൂറ്റാണ്ടിലെ സമൂഹം നിരവധി മാറ്റങ്ങളിലൂടെ കടന്നു പോകുകയാണ്. പാശ്ചാത്യ സമൂഹത്തിൽ ഏകദേശം 5 പതിറ്റാണ്ട് കൊണ്ട് ഉണ്ടായ മാറ്റമാണ് കഴിഞ്ഞ ഒന്നര പതിറ്റാണ്ടുകൾക്കുളളിൽ നമ്മുടെ സമൂഹത്തിന് സംഭവിച്ചതെന്ന് സാമൂഹൃ ശാസ്ത്രമാർ വിലയിരുത്തുന്നു. ആധുനിക ലോകം വിവരവിജ്ഞാന വിപ്ലവത്തിലൂടെ കടന്നു പോകുകയാണെങ്കിലും വിവേകമില്ലാത്ത സ്ഥിതിയാണിപ്പോൾ അത് മാറുവാൻ നമ്മൾ പരിശ്രമിക്കേണ്ടിയിരിക്കുന്നു.