*വിശുദ്ധ യൗസേപ്പുപിതാവിന്റെ വണക്കമാസം*
*ഇരുപത്തി ആറാം തീയതി*
*ജപം*
സ്വര്ഗ്ഗരാജ്യത്തില് അതുല്യമായ മഹത്വത്തിനും അവര്ണ്ണനീയമായ സൗഭാഗ്യത്തിനും അര്ഹനായിത്തീര്ന്ന ഞങ്ങളുടെ പിതാവായ മാര് യൗസേപ്പേ, അങ്ങേ വത്സല മക്കളായ ഞങ്ങള്ക്കും ഈശോമിശിഹായോടും പരി. കന്യകാമറിയത്തോടും അങ്ങയോടും യോജിച്ചു കൊണ്ട് സ്വര്ഗ്ഗീയ മഹത്വത്തില് ഭാഗഭാക്കുകളാകുവാനുള്ള അനുഗ്രഹം പ്രാപിച്ചു നല്കേണമേ. ദൈവം ഞങ്ങളെ ഭരമേല്പ്പിച്ചിരിക്കുന്ന ദൗത്യവും ചുമതലകളും വിശ്വസ്തതാപൂര്വ്വം നിര്വഹിക്കുവാന് ഞങ്ങളെ പ്രാപ്തരാക്കേണമേ. ഞങ്ങളുടെ ബലഹീനതകളും പ്രലോഭനങ്ങളും നിമിത്തം ഭൂതകാലത്തില് ഞങ്ങളില് ഉണ്ടായിട്ടുള്ള പോരായ്മകള് പരിഹരിച്ചു ഭാവിയില് തീക്ഷ്ണതയോടെ ജീവിക്കുന്നതാണ്.
1 സ്വര്ഗ്ഗ. 1 നന്മ. 1 ത്രിത്വ.
*സുകൃതജപം*
സ്വര്ഗീയ മദ്ധ്യസ്ഥനായ വിശുദ്ധ യൗസേപ്പേ, ഞങ്ങളെ സ്വര്ഗ്ഗീയ സൗഭാഗ്യത്തിനര്ഹമാക്കേണമേ.
Nelson MCBS 
Leave a comment