കൂറ്റൻ പട്ടത്തി​െൻറ വാലിൽ കുടുങ്ങി കാറ്റിലാടിയുലഞ്ഞ്​ മൂന്നുവയസ്സുകാരി; ശ്വാസമടക്കിപ്പിടിച്ച്​ നാട്ടുകാർ

ഷിൻകു (തായ്​വാൻ): ശ്വാസമടക്കിപ്പിടിച്ചാണ്​ അവളുടെ ബന്ധുക്കളും നാട്ടുകാരും ആ കാഴ്​ച കണ്ടത്​. കൂറ്റൻ പട്ടത്തി​െൻറ വാലിൽ കുടുങ്ങി 100 അടിയോളം ഉയരത്തിൽ കാറ്റിൽ ആടിയുലയുകയാണ്​ ആ മൂന്ന്​ വയസ്സുകാരി. ഒടുവിൽ, കാറ്റി​െൻറ ഏതോ ഗതിയിൽ അവൾ സുരക്ഷിതയായി നിലത്തിറങ്ങിയപ്പോളാണ്​ എല്ലാവരുടെയും ശ്വാസം നേരേ വീണത്​. ദൃക്​സാക്ഷികളായവരുടേത്​ മാത്രമല്ല, പിന്നീ്ട്​ ആ രംഗത്തി​െൻറ വിഡിയോ സമൂഹ മാധ്യമങ്ങളിൽ കണ്ടവരുടെയും.

തായ്​വാനിലെ ഷിൻകുവിൽ നടന്ന പട്ടംപറത്തൽ ഉത്സവത്തിനിടെയാണ്​ കാഴ്​ചക്കാരെയെല്ലാം ആശങ്കയിലാഴ്​ത്തി കുട്ടി അപകടത്തിൽപ്പെട്ടത്​. കൂറ്റൻ പട്ടത്തി​െൻറ വാലിൽ കുട്ടിയുടെ ഉടുപ്പ്​ ഉടക്കുകയും കാറ്റ്​ ശക്​തിയായപ്പോൾ മുകളിലേക്ക്​ ഉയരുകയുമായിരുന്നു. പിന്നീട്​ ഒരു മിനിറ്റോളം കുട്ടി 100 അടിയോളം ഉയരത്തിൽ തലങ്ങും വിലങ്ങും ഉലഞ്ഞു. കാറ്റി​െൻറ ശക്​തി കുറഞ്ഞപ്പോൾ പട്ടത്തി​െൻറ വാൽ താഴ്​ന്നുവരികയും കാണികൾ കുട്ടിയെ രക്ഷപ്പെടുത്തുകയുമായിരുന്നു.

ഞായറാഴ്​ച സമൂഹ മാധ്യമങ്ങളിൽ പ്രചരിച്ച ഈ സംഭവത്തി​െൻറ വിഡിയോ വൈറലാകുകയും ചെയ്​തു.