ബഹു. ജോർജ് കരിന്തോളിൽ അച്ചനെ കുറിച്ച് പ്രശസ്ത പത്രപ്രവർത്തകൻ ശ്രീ ജോൺസൺ പൂവന്തുരുത്ത് എഴുതുന്നു…

എ​ന്നും അ​ടു​ത്തി​രു​ന്നൊ​രാ​ൾ…

കു​ടും​ബ​ങ്ങ​ളോ​ടു ചേ​ർ​ത്തു​വ​ച്ച പേ​ര്,
ഒ​രു വി​ഷ​മം വ​ന്നാ​ൽ ഓടി​ച്ചെ​ന്നു പ​റ​യാ​ൻ ഒ​രാ​ൾ,
ഉ​പ​ദേ​ശം ചോ​ദി​ക്കാ​ൻ ഒ​രി​ടം,
വീ​ണു​പോ​കു​മെ​ന്നു തോ​ന്നു​ന്ന നി​മി​ഷം പി​ടി​ക്കാ​നൊ​രു ക​രം…
ഇ​തൊ​ക്കെ​യാ​യി​രു​ന്നു പ്രി​യ​പ്പെ​ട്ട​വ​ർ​ക്ക് ഫാ.​ ജോ​ർ​ജ് ക​രി​ന്തോ​ളി​ൽ എം​സി​ബി​എ​സ്.
അ​ദ്ദേ​ഹ​ത്തെ പൊ​തി​ഞ്ഞ് അ​ദൃ​ശ്യ​മാ​യ ഒ​രു സ്നേ​ഹ​വ​ല​യം ഉ​ണ്ടാ​യി​രു​ന്നു.
അ​തു​കൊ​ണ്ടാ​ണ് ഒ​രി​ക്ക​ൽ പ​രി​ച​യ​പ്പെ​ട്ട​വ​ർ, സം​സാ​രി​ച്ച​വ​ർ, ഉ​പ​ദേ​ശം തേ​ടി​യ​വ​ർ വീ​ണ്ടും വീ​ണ്ടും അ​ദ്ദേ​ഹ​ത്തെ തേ​ടി വ​ന്നു​കൊ​ണ്ടി​രു​ന്ന​ത്. ഏ​താ​നും മി​നി​റ്റു​ക​ൾ അ​ദ്ദേ​ഹ​ത്തോ​ടു സം​സാ​രി​ക്കാ​ൻ എ​ത്ര​യോ അ​ക​ലെ​നി​ന്നും ആ​ളു​ക​ൾ എ​ത്തി​യി​രു​ന്നു, എ​ത്ര മ​ണി​ക്കൂ​റു​ക​ൾ വേ​ണ​മെ​ങ്കി​ലും കാ​ത്തി​രി​ക്കാ​ൻ അ​വ​ർ​ക്കു മ​ടി​യു​ണ്ടാ​യി​രു​ന്നി​ല്ല. കാ​ര​ണം ക​രി​ന്തോ​ളി​ല​ച്ച​നോ​ട് ഒ​ന്നു തു​റ​ന്നു സം​സാ​രി​ച്ചാ​ൽ അ​ദ്ദേ​ഹം പ​റ​യു​ന്ന​തി​നു ചെ​വി​യോ​ർ​ത്താ​ൽ മ​ന​സി​ൽ ക​യ​റ്റി​വ​ച്ചി​രി​ക്കു​ന്ന ഭാ​രം അ​പ്പാ​ടെ അ​ലി​ഞ്ഞു​തീ​രു​മെ​ന്ന് അ​വ​ർ തി​രി​ച്ച​റി​ഞ്ഞി​രു​ന്നു. അ​തു​കൊ​ണ്ടാ​ണ് അ​ദ്ദേ​ഹം എ​വി​ടെ പോ​യാ​ലും അ​വ​രൊ​ക്കെ തേ​ടി​യെ​ത്തി​ക്കൊ​ണ്ടി​രു​ന്ന​ത്.
ഒ​രി​ക്ക​ൽ ഇ​രു​ന്ന ഇ​ട​ങ്ങ​ളി​ലേ​ക്ക് അ​ദ്ദേ​ഹം സ​ന്ദ​ർ​ശ​ന​ത്തി​നു വ​രു​ന്പോ​ഴൊ​ക്കെ പൂ​വി​നു ചു​റ്റും വ​ട്ട​മി​ട്ടു നി​ൽ​ക്കു​ന്ന പൂ​ന്പാ​റ്റ​ക​ളെ​പ്പോ​ലെ കു​റെ മ​നു​ഷ്യ​രെ കാ​ണാം… വി​രി​ഞ്ഞ പൂ ​പോ​ലു​ള്ള പു​ഞ്ചി​രി​യും സ്നേ​ഹ​ത്തി​ന്‍റെ സൗ​ര​ഭ്യ​വു​മാ​യി അ​വ​ർ​ക്കി​ട​യി​ൽ ഈ ​വൈ​ദി​ക​നെ​യും…

ക​രു​ത​ലാ​യൊ​രാ​ൾ

അ​ദ്ദേ​ഹ​ത്തെ കാ​ണാ​നെ​ത്തി ക​ട​ന്നു​പോ​യ ആ​യി​ര​ക്ക​ണ​ക്കി​നു കു​ടും​ബ​ങ്ങ​ളു​ണ്ട്. അ​വ​രോ​ടൊ​ക്കെ ചോ​ദി​ച്ചാ​ൽ, അ​ക​ന്നു​പോ​യ ക​ണ്ണി​ക​ളെ ചേ​ർ​ത്തു​വ​ച്ച​തി​ന്‍റെ​യും വീ​ണു​പോ​യ കു​ടും​ബ​ങ്ങ​ളെ കൈ​പി​ടി​ച്ച​തി​ന്‍റെ​യും ആ​ത്മ​ഹ​ത്യ​യു​ടെ വ​ക്കി​ലെ​ത്തി​യ​വ​ർ​ക്കു കൈ​ത്താ​ങ്ങ് ആ​യ​തി​ന്‍റെ​യും നൂ​റാ​യി​രം അ​നു​ഭ​വ ക​ഥ​ക​ൾ പ​റ​യാ​നു​ണ്ടാ​കും.
സ്നേ​ഹി​ക്കു​ന്ന​വ​രു​ടെ വി​ഷ​മ​ങ്ങ​ളാ​യി​രു​ന്നു അ​ദ്ദേ​ഹ​ത്തെ ഏ​റ്റ​വു​മ​ധി​കം അ​ല​ട്ടി​യി​രു​ന്ന​തെ​ന്നു തോ​ന്നു​ന്നു. അ​തു​കൊ​ണ്ടാ​വ​ണം സാ​ന്പ​ത്തി​ക ക്ലേ​ശ​ങ്ങ​ൾ അ​നു​ഭ​വി​ക്കു​ന്ന​വ​ർ​ക്കു​ വേ​ണ്ടി മ​റ്റു​ള്ള​വ​രു​ടെ മുന്നി​ൽ കൈ​നീ​ട്ടാ​ൻ അ​ദ്ദേഹം ഒ​ട്ടും മ​ടി​ച്ചി​രു​ന്നി​ല്ല. കി​ട​പ്പാ​ടം ജ​പ്തി​യു​ടെ വ​ക്കി​ലെ​ത്തി​യ​വ​രെ​യും ക​ടം​ക​യ​റി ന​ര​ക​യാ​ത​ന നേ​രി​ട്ട​വ​രെ​യും പ​ഠി​ക്കാ​ൻ പ​ണ​മി​ല്ലാ​തെ സ​ങ്ക​ട​പ്പെ​ട്ട​വ​രെ​യു​മൊ​ക്കെ അ​വ​ഗ​ണി​ച്ചു ക​ട​ന്നു​പോ​കാ​ൻ അ​ദ്ദേ​ഹ​ത്തി​ന് ഒ​രി​ക്ക​ലും ക​ഴി​യു​മാ​യി​രു​ന്നി​ല്ല. കൊ​ട്ടി​ഘോ​ഷി​ക്കാ​തെ​യും മേ​നി​പ​റ​യാ​തെ​യും സ​ഹാ​യി​ക്കു​ന്ന​താ​യി​രു​ന്നു ക​രി​ന്തോ​ളി​ല​ച്ച​ന്‍റെ ശീ​ലം.

പു​ഞ്ചി​രി​യോ​ടൊ​രാ​ൾ

ഒാ​ർ​മ​ക​ളി​ൽ പ​ല​വ​ട്ടം ചി​ക​ഞ്ഞു​നോ​ക്കി. ഇ​ല്ല, ദേ​ഷ്യ​പ്പെ​ടു​ന്ന, വ​ഴ​ക്കു​പ​റ​യു​ന്ന ക​രി​ന്തോ​ളി​ല​ച്ച​ന്‍റെ മു​ഖം ഒാ​ർ​ത്തെ​ടു​ക്കാ​നേ ക​ഴി​യു​ന്നി​ല്ല. ഏ​ത​വ​സ​ര​ത്തി​ലും ചി​രി​യോ​ടെ അ​തി​നെ നേ​രി​ടു​ക​യെ​ന്ന​താ​യി​രു​ന്നു അ​ദ്ദേ​ഹ​ത്തി​ന്‍റെ രീ​തി. ഇ​ട​വ​ക​യു​ടെ വി​കാ​രി എ​ന്ന നി​ല​യി​ൽ സ​മ്മ​ർ​ദ​നി​മി​ഷ​ങ്ങ​ളി​ലൂ​ടെ ക​ട​ന്നു​പോ​കു​ന്പോ​ഴും അ​ദ്ദേ​ഹം ശാ​ന്ത​നാ​യി​രു​ന്നു. എ​ത്ര വ​ലി​യ മു​റി​വു​ക​ളും ഉ​ണ​ക്കാ​ൻ ശേ​ഷി​യു​ള്ള ഒൗ​ഷ​ധ​മാ​യി​രു​ന്നു ആ ​വാ​ക്കു​ക​ൾ പ​ല​പ്പോ​ഴും.

പ്രചോദനമായൊരാൾ

എ​ന്നും സാ​ധാ​ര​ണ​ക്കാ​ർ​ക്കൊ​പ്പം ആ​യി​രു​ന്ന ആ​ൾ പെ​ട്ടെ​ന്നൊ​രു ദി​വ​സം എം​സി​ബി​എ​സ് സ​ഭ​യു​ടെ സു​പ്പീ​രി​യ​ർ ജ​ന​റ​ൽ ആ​യി എ​ന്നു കേ​ട്ട​പ്പോ​ൾ പ​ല​രും അ​ദ്ഭു​തം കൂ​റി. ധ്യാ​ന​വും ക്ലാ​സും കൗ​ൺ​സ​ലിം​ഗും മ​റ്റു​മാ​യി ദി​നം​പ്ര​തി നൂ​റു​ക​ണ​ക്കി​ന് ആ​ളു​ക​ളു​മാ​യി ഇ​ട​പ​ഴ​കി ന​ട​ന്ന​യാ​ൾ ഇ​ത്ര വ​ലി​യ ഉ​ത്ത​ര​വാ​ദി​ത്വം ഏ​ൽ​ക്കു​ന്പോ​ൾ എ​ന്താ​യി​രി​ക്കും സം​ഭ​വി​ക്കു​ക..? എന്നാൽ, അവിടെയും ഉത്തരവാദിത്വങ്ങളിൽ വിട്ടുവീഴ്ചയില്ലാതെ ഫാ. കരിന്തോളിൽ കൈയൊപ്പ് ചാർത്തി. ജേർണലിസം പഠനം കഴിഞ്ഞ് ദീപികയിൽ ഇന്‍റേൺഷിപ്പിന് അവസരം കിട്ടിയെന്ന കാര്യം പറഞ്ഞപ്പോൾ അദ്ദേഹം പറഞ്ഞ വാക്കുകൾ ഇന്നും കാതിലുണ്ട്, ഇന്‍റേൺഷിപ് മാത്രമല്ല നീ അവിടെത്തന്നെ ജോലി ചെയ്യും. അതു പിന്നീട് യാഥാർഥ്യമായി മാറിയപ്പോൾ തോന്നി, ഈ വൈദികൻ പറഞ്ഞ പല കാര്യങ്ങളിലും ഒരു പ്രവാചകസ്വരംകൂടി അലിഞ്ഞുചേർന്നിട്ടുണ്ട്. എഴുതുന്നതൊക്കെയും വായിക്കുന്നുണ്ടെന്ന് കാണുന്പോഴൊക്കെ ഒാർമിപ്പിക്കാൻ അദ്ദേഹം മറന്നിരുന്നില്ല.

മനസിൽ മായാതൊരാൾ

വിശുദ്ധ കുർബാന അർപ്പിക്കുന്നതിനു മുതൽ ധ്യാനപ്രഭാഷണങ്ങൾക്കു വരെ ആത്മീയതയിലുറച്ച ഒരു താളവും ഈണവും അദ്ദേഹത്തിനുണ്ടായിരുന്നു. വിശുദ്ധ ബൈബിൾ ദൈവം അദ്ദേഹത്തിന്‍റെ മനസിൽ കൊത്തിവച്ചിരുന്നു. പ്രഭാഷണങ്ങളിൽ ഇടതടവില്ലാതെ ഒഴുകുന്ന ദൈവവചനം കേട്ട് സദസ് അദ്ഭുതംകൂറിയിരിക്കുന്പോൾ അതു ഞങ്ങളുടെ വികാരിയാണെന്നു പറയാൻ എന്നും അഭിമാനമായിരുന്നു. അതേ അഭിമാനത്തോടെയും സ്നേഹത്തോടെയും കരിന്തോളിലച്ചനു പ്രിയപ്പെട്ടവരുടെ യാത്രാമൊഴി… ഉറപ്പുണ്ട്, അദൃശ്യ സ്നേഹസാന്നിധ്യമായി ഇനിയും ഞങ്ങൾക്കൊപ്പമുണ്ടാകും ഈ ആത്മീയ ഗുരു…

ജോ​ൺ​സ​ൺ പൂ​വ​ന്തു​രു​ത്ത്