“അവസാനം ദൈവം എന്റേതും ഞാൻ അവന്റേതുമായി. ഭൂമിയുടേതായതെല്ലാം ഇനി പൊയ്ക്കോട്ടെ അല്ലെങ്കിലും അതെല്ലാം കടന്നുപോവാനുള്ളതല്ലേ. ഞാൻ അവനെ സ്വീകരിച്ചു. എന്റെ ദൈവമേ! എന്റെ ജീവിതത്തിലെ അവസാനശ്വാസം വരെ എനിക്ക് മറക്കാൻ പറ്റുമോ നേരം പുലരാനായി കഴിഞ്ഞ രാത്രി ഞാൻ നോക്കി നോക്കി ഇരുന്നത്? “, അഞ്ചു മക്കളുണ്ടായിരുന്ന വിധവ, എലിസബത്ത് ആൻ സീറ്റൻ, മുപ്പത്തൊന്നാം വയസ്സിൽ കത്തോലിക്കാസഭയെ ആശ്ലേഷിച്ചതിനും തന്റെ ആദ്യകുർബ്ബാന സ്വീകരണത്തിനും ശേഷം അന്റോണിയോ ഫിലിച്ചിയുടെ ഭാര്യക്കെഴുതി. അന്നത്തെ അതേ ആവേശം, നാൽപ്പത്തി ആറാം വയസ്സിൽ…

നാലാം നൂറ്റാണ്ടിന്റെ തുടക്കം മുതലേ വിശുദ്ധ സ്റ്റീഫന്റെ തിരുന്നാൾ കത്തോലിക്കാ സഭ ആഘോഷിച്ചിരുന്നത് നമ്മുടെ കർത്താവീശോമിശിഹായുടെ പിറവിതിരുന്നാൾ കഴിഞ്ഞു തൊട്ടടുത്ത ദിവസമാണ്. അതുകൊണ്ട് റുസ്പെയിലെ വിശുദ്ധ ഫുൾജെൻഷ്യസ് ഇങ്ങനെ പറഞ്ഞു, “ ഇന്നലെ നമ്മുടെ നിത്യരാജാവിന്റെ ജനനം നമ്മൾ ആഘോഷിച്ചു. ഇന്ന് ഒരു പടയാളിയുടെ വിജയകരമായ മരണം നമ്മൾ ആഘോഷിക്കുന്നു. ഇന്നലെ നമ്മുടെ രാജാവ് മാംസ അങ്കി അണിഞ്ഞ് കന്യകയുടെ ഗർഭപാത്രത്തിൽ നിന്നും പുറത്തുവന്ന് ഭൂമി സന്ദർശിക്കാൻ തിരുവുള്ളമായി. ഇന്ന് ഒരു പട്ടാളക്കാരൻ തന്റെ ശരീരമാകുന്ന ഭൗമികകൂടാരം…

ഡിസംബർ 22ന്, കുടിയേറ്റക്കാരുടെ മധ്യസ്ഥ ആയ വിശുദ്ധ ഫ്രാൻസെസ് സേവ്യർ കബ്രിനിയെ സഭ ഓർക്കുന്നു. സമാധാനം തിരഞ്ഞ് സ്വന്തം വീട് വിട്ടിറങ്ങേണ്ടി വരുന്ന മനുഷ്യർ ഏറെപ്പേരുണ്ടാകും ആധുനിക ലോകത്ത് എന്ന് തിരിച്ചറിയുകയും അവരെ പരിപാലിക്കാൻ ആഗ്രഹിക്കുകയും ചെയ്ത വിശുദ്ധ എന്നാണ് പോപ്പ് ഫ്രാൻസിസ് അവളെപ്പറ്റി പറഞ്ഞത്. “ആരാണ് മിഷണറി ? എനിക്ക്, മിഷണറിയെന്നു വെച്ചാൽ തിരുഹൃദയത്തെ വിട്ടുവീഴ്ചയില്ലാതെ സ്നേഹിക്കുന്ന ആളാണ്. അദ്ധ്വാനം, സന്തോഷദുഖങ്ങൾ… അങ്ങനെ എല്ലാറ്റിനെയും, മറ്റുള്ളവരുടെ രക്ഷക്കായി, അവളുടെ ജീവിതം തന്നെ ഇല്ലാതാക്കിക്കൊണ്ട് സ്വീകരിക്കുമ്പോഴും പ്രകാശം…

“ഞാനായിരിക്കുമോ തെറ്റുകാരൻ? അവരായിരിക്കും ശരി. ഞാൻ നരകത്തിൽ പോകേണ്ടി വരുമോ… ഞാൻ സത്യസഭയിൽ നിന്നും അകറ്റപ്പെട്ടു പിശാചിനെയാണോ സേവിക്കുന്നത് ?” ജോൺ ചിന്തിച്ചു. ആത്മാവിന്റെ ഇരുണ്ട രാത്രി അതിന്റെ പാരമ്യത്തിലെത്തി.എല്ലാ ശാരീരിക വേദനകളെയും അതിലംഘിക്കുന്ന ആത്മീയ വേദന. “അടുത്ത ദിവസം സ്വർഗ്ഗാരോപണതിരുനാളിൽ ബലിയർപ്പിക്കാൻ അനുവാദം നൽകണേ”ജോൺ അധികാരികളോട് യാചിച്ചു.കിട്ടിയ മറുപടി “എന്റെ ജീവിതകാലത്ത് അത് ഉണ്ടാവില്ല” എന്നായിരുന്നു !! തെറ്റിദ്ധാരണകളും തേജോവധങ്ങളും തകർത്തുകളയുന്ന ചില ജീവിതങ്ങളെ നമ്മൾ കാണാറുണ്ട്. നീതി ലഭിക്കാതെ അന്യായമായി കഠിനസഹനങ്ങളിലൂടെ കടന്നുപോവേണ്ടി വരുമ്പോഴും,…

വേദപാരംഗതനായ വിശുദ്ധ അംബ്രോസ് മെത്രാൻ, ഒരു ശിശുവായിരിക്കെ തൊട്ടിലിൽ ഉറങ്ങിക്കിടക്കുമ്പോൾ തേനീച്ചകളുടെ ഒരു കൂട്ടം വന്ന് വായിലേക്കും കണ്ണിലേക്കുമൊക്കെ കടക്കാൻ നോക്കുന്നത് കണ്ട് പരിചാരിക നിലവിളിച്ചു. ഓടിയെത്തിയ പിതാവും മാതാവും മറ്റുള്ളവരുമൊക്കെ കണ്ടത് കുഞ്ഞിനെ ഉണർത്താതെ തന്നെ അതിന്റെ വായിലേക്ക് കടക്കുകയും തിരിച്ചിറങ്ങുകയും ചെയ്തുകൊണ്ടിരിക്കുന്ന തേനീച്ചകളെയാണ്. എന്നിട്ട് എല്ലാം ഒന്നിച്ചു പറന്നകന്നു. നിർനിമേഷനായി മറ്റുള്ളവർക്കൊപ്പം അത് കണ്ടുനിന്ന അവന്റെ പിതാവ് നിശബ്ദതയെ ഭേദിച്ചുകൊണ്ട് പറഞ്ഞു, ” ഈ കുഞ്ഞ് വലിയ കാര്യങ്ങൾക്കായി തിരഞ്ഞെടുക്കപ്പെട്ടിട്ടുള്ളവനാണ് “. തേൻ പോലെ…

ക്രിസ്മസ് ഇങ്ങടുത്തെത്തുമ്പോഴേക്ക്, നമ്മൾ വായിക്കുന്നതിലും കാണുന്ന ഇടങ്ങളിലുമൊക്കെ സാന്താക്ളോസ് രൂപങ്ങളെക്കൊണ്ട്, ജിംഗിൾ ബെൽസ് പാട്ടുകളെക്കൊണ്ട് നിറയും. സമ്മാനങ്ങൾ നിറഞ്ഞ സഞ്ചി തോളത്തിട്ട് വരുന്ന സാന്താക്ളോസ് അപ്പൂപ്പൻ ഇല്ലാതെ എന്ത് ക്രിസ്മസ്. അല്ലേ? നാലാം നൂറ്റാണ്ടിൽ ജീവിച്ചിരുന്ന, കാരുണ്യത്തിനും മനസ്സലിവിനും പ്രസിദ്ധനായിരുന്ന, വിശുദ്ധ നിക്കോളാസ് എന്ന ബിഷപ്പിൽ നിന്നാണ് ഈ സാന്താക്ളോസിന്റെ ആശയവും പേരുമൊക്കെ ഉണ്ടായി വന്നത്. അദ്ദേഹത്തിന്റെ മരണത്തിന് ശേഷം അഞ്ചു നൂറ്റാണ്ടുകൾ പിന്നിട്ട് ഒൻപതാം നൂറ്റാണ്ടായപ്പോൾ കോൺസ്റ്റാന്റിനോപ്പിളിലെ വിശുദ്ധ മെത്തോഡിയസ് എന്ന് പേരുള്ള ഒരു സന്യാസി…

ശുദ്ധീകരണാത്മാക്കളുടെ സ്വർഗ്ഗപ്രാപ്തിക്കായി, വിശുദ്ധ ജെർത്രൂദിന് ഈശോ പറഞ്ഞുകൊടുത്ത ജപം ചൊല്ലാറുള്ളവരായിരിക്കും നമ്മൾ മിക്കവരും. ‘The Great’ എന്ന പദവി, വിശുദ്ധരായിട്ടുള്ള വനിതകളിൽ ഒരേയൊരാൾക്കെ സഭ നൽകിയിട്ടുള്ളൂ. അതാണ് മഹതിയായ വി. ജെർത്രൂദ് (St. Gertrude the Great). മധ്യകാലഘട്ടത്തിലെ പ്രമുഖയായ മിസ്റ്റിക്, ദൈവശാസ്ത്രജ്ഞ എന്നീ നിലകളിൽ അവളുടെ സ്ഥാനം എപ്പോഴും ഉയർന്നുനിൽക്കുന്നു. വിശുദ്ധിയും പാണ്ഡിത്യവും അത്യുന്നതിയിലെത്തിയ, വി. ഫ്രാൻസിസ് അസീസി, വി. ഡൊമിനിക്, വി. തോമസ് അക്വീനാസ്, വി. ബൊനവെഞ്ചർ തുടങ്ങിയവർ ജീവിച്ച പതിമൂന്നാം നൂറ്റാണ്ടിലായിരുന്നു വി.…