ദിവ്യബലി വായനകൾ Thursday of the 3rd week of Advent

Nelson MCBS

🔵🔵🔵🔵🔵🔵🔵🔵🔵🔵🔵_____________
🌺🕯🕯 ….✝🍛🍸🙏🏼….🕯🕯🌺
ദിവ്യബലി വായനകൾ – ലത്തീൻക്രമം
_____________

🔵 വ്യാഴം

Thursday of the 3rd week of Advent

Liturgical Colour: Violet.

പ്രവേശകപ്രഭണിതം

cf. ഏശ. 49:13

ആകാശം ആനന്ദിക്കട്ടെ. ഭൂമി ആഹ്ളാദിക്കട്ടെ.
എന്തെന്നാല്‍, ഞങ്ങളുടെ കര്‍ത്താവ് എഴുന്നള്ളുന്നു.
അവിടന്ന് തന്റെ ദരിദ്രരോട് കരുണ കാണിക്കും.

സമിതിപ്രാര്‍ത്ഥന

മനുഷ്യപ്രകൃതിയുടെ സ്രഷ്ടാവും രക്ഷകനുമായ ദൈവമേ,
നിത്യകന്യകയുടെ ഉദരത്തില്‍ അങ്ങേ വചനം
മാംസം ധരിക്കണമെന്ന് തിരുവുള്ളമായ അങ്ങ്
ഞങ്ങളുടെ പ്രാര്‍ഥനകള്‍ കരുണാപൂര്‍വം കേട്ടരുളണമേ.
അങ്ങനെ, ഞങ്ങളുടെ മനുഷ്യപ്രകൃതി സ്വീകരിച്ച
അങ്ങേ ഏകജാതന്‍,
അവിടത്തെ ദിവ്യപ്രകൃതിയില്‍ പങ്കുചേരാന്‍
ഞങ്ങളെയും യോഗ്യരാക്കുമാറാകട്ടെ.
അങ്ങയോടുകൂടെ പരിശുദ്ധാത്മാവുമായുള്ള ഐക്യത്തില്‍
എന്നെന്നും ദൈവമായി ജീവിക്കുകയും വാഴുകയും ചെയ്യുന്ന
അങ്ങേ പുത്രനും ഞങ്ങളുടെ കര്‍ത്താവുമായ യേശുക്രിസ്തുവഴി
ഈ പ്രാര്‍ഥന കേട്ടരുളണമേ.

ഒന്നാം വായന

ഉത്പ 49:2,8-10
ചെങ്കോല്‍ യൂദായെ വിട്ടു പോകയില്ല

യാക്കോബ് തന്റെ മക്കളെ വിളിച്ചു പറഞ്ഞു:

യാക്കോബിന്റെ പുത്രന്മാരേ, ഒന്നിച്ചുകൂടി കേള്‍ക്കുവിന്‍.
നിങ്ങളുടെ പിതാവായ ഇസ്രായേലിന്റെ വാക്കുകള്‍ ശ്രദ്ധിക്കുവിന്‍.
യൂദാ, നിന്റെ സഹോദരന്മാര്‍ നിന്നെ പുകഴ്ത്തും,
നിന്റെ കൈ ശത്രുക്കളുടെ കഴുത്തില്‍ പതിക്കും.
നിന്റെ പിതാവിന്റെ പുത്രന്മാര്‍ നിന്റെ മുന്‍പില്‍ കുമ്പിടും.
യൂദാ ഒരു സിംഹക്കുട്ടിയാണ്.
എന്റെ മകനേ, നീ ഇരയില്‍ നിന്നു മടങ്ങിയിരിക്കുന്നു.
അവന്‍ ഒരു സിംഹത്തെപ്പോലെയും
സിംഹിയെപ്പോലെയും പതുങ്ങിക്കിടന്നു വിശ്രമിക്കുന്നു.
അവനെ ഉണര്‍ത്താന്‍ ആര്‍ക്കു ധൈര്യമുണ്ടാകും?
ചെങ്കോല്‍ യൂദായെ വിട്ടു പോകയില്ല;
അതിന്റെ അവകാശി വന്നുചേരുംവരെ
അധികാരദണ്ഡ് അവന്റെ സന്തതികളില്‍ നിന്നു നീങ്ങിപ്പോകയില്ല.
ജനതകള്‍ അവനെ അനുസരിക്കും.

കർത്താവിന്റെ വചനം.

പ്രതിവചനസങ്കീർത്തനം

സങ്കീ 72:1-2, 3-4ab, 7-8, 17