ഒരു ചെറുകിളിയാണ് വെളിച്ചത്തിന്റെ പോരാളിയാവാൻ നിശ്ചയിച്ചത്. ക്ലേശകരമായ യാത്രയിൽ ഇരുട്ടിന്റെ കട്ടിപ്പുതപ്പിനെ തൊടാനതിനായി. തൻ്റെ ഇളം കൊക്കുകൾ കൊണ്ട് അതിനെ കൊത്തിക്കീറാൻ ശ്രമമാരംഭിച്ചു. അങ്ങിങ്ങായി നിറയെ സുഷിരങ്ങൾ ഉണ്ടായി. ദൈവങ്ങൾക്ക് പ്രസാദിക്കുവാൻ ആ അർച്ചന മതിയായിരുന്നു. ആ സുഷിരങ്ങളെല്ലാം നക്ഷത്രങ്ങളായി.

 

‘ബേഡ്സ് ഓഫ് പാരഡൈസ്’എന്ന ചിത്രത്തിൽ ആവശ്യത്തിലേറെ ഭയാശങ്കകളുള്ള ഒരു കൂട്ടുകാരിയെ തൻ്റെ അച്ഛൻ പറഞ്ഞു തന്ന കഥയെന്ന മട്ടിൽ പറഞ്ഞു പ്രകാശിപ്പിക്കുകയാണ് അവൾ.കഠിനരാവുകളെ, കഥകളുടെ എത്രയെത്ര താരകാർച്ചിതവാനങ്ങളാണ് കാത്തിരിക്കുന്നത്.

 

– ബോബി ജോസ് കട്ടികാട്