പരിശുദ്ധ അമ്മ ഫാത്തിമയിൽ ലൂസി, ജസീന്ത, ഫ്രാൻസിസ്‌കോ എന്നീ കുട്ടികൾക്ക് 1917 മെയ് 13ന് പ്രത്യക്ഷപ്പെട്ടിരുന്നല്ലോ. അതിൽ ലൂസി പരിശുദ്ധ അമ്മയോട് ചോദിച്ചിരുന്നു അവളുടെ കൂട്ടുകാരി അമേലിയ സ്വർഗ്ഗത്തിലാണോ എന്ന്. പരിശുദ്ധ അമ്മയുടെ മറുപടി ഒട്ടും പ്രതീക്ഷിക്കാത്ത ഒന്നായിരുന്നു. അവൾ ശുദ്ധീകരണസ്ഥലത്ത് ആണെന്നതല്ല അമ്പരപ്പിക്കുന്ന കാര്യം, ലോകാവസാനത്തോളം അവൾ അവിടെ ആയിരിക്കും എന്നുള്ള അമ്മയുടെ വെളിപ്പെടുത്തൽ കുറച്ച് ഞെട്ടിക്കുന്നത് തന്നെ ആണല്ലേ? മുൻപേ അറിയാമായിരുന്ന കാര്യമാണെങ്കിലും, ഈയടുത്ത് ഒരു യൂട്യൂബ് വീഡിയോയിൽ കേട്ട ഈ ഓർമ്മപ്പെടുത്തൽ എനിക്ക്…

രണ്ട് വിശുദ്ധർ ജീവിച്ചിരുന്നപ്പോൾ അവരോട് ഇടപെട്ട, വത്തിക്കാനിലെ ഒരു സ്വിസ് ഗാർഡിന്റെ അനുഭവങ്ങൾ… സ്വിസ് ഗാർഡ് ആയി ജോലി തുടങ്ങി മൂന്ന് ആഴ്ചകൾക്ക് ശേഷമാണ് ജോൺ പോൾ രണ്ടാമൻ പാപ്പയുമായി മാരിയോ ആദ്യമായി സംസാരിക്കുന്നത്. പാപ്പ അപ്പസ്തോലിക് പാലസിലെ മുറിയിലേക്ക് വരുന്നുണ്ടെന്ന് കേട്ട് മാരിയോ അറ്റൻഷൻ ആയി നിന്നു. നടന്നുവന്ന പാപ്പ മാരിയോയെ കണ്ട് നിന്നു, എന്നിട്ട് പറഞ്ഞു, “നീ പുതിയ ആളായിരിക്കണമല്ലോ” മാരിയോക്ക് അത്, അവന് സംസാരിക്കാനുള്ള അനുവാദം ആയി തോന്നി. ആരെങ്കിലും സംസാരം തുടങ്ങാതെ…

ഒരു കൊച്ചു സിസ്റ്റർ ഒരു ഹോസ്പിറ്റൽ വാർഡിൽ അവളുടെ ജോലിയിലെ ആദ്യത്തെ ദിവസം തുടങ്ങുകയായിരുന്നു.ആദ്യത്തെ ദിവസം ആയതിന്റെ വെപ്രാളവും ടെൻഷനും ഉണ്ട്. അവൾ നോക്കുമ്പോൾ വെളുത്ത സാരിയിൽ നീല ബോർഡറുള്ള സാരി ഉടുത്ത കുറേ സിസ്റ്റേഴ്സ്, മരിക്കാറായി കിടക്കുന്ന രോഗികൾക്ക് വെള്ളം കൊടുക്കുന്നു, ഭക്ഷണം വാരിക്കൊടുക്കുന്നു, തുടച്ചു വൃത്തിയാക്കുന്നു, മരുന്ന് കൊടുക്കുന്നു, നല്ലവാക്കുകൾ പറഞ്ഞ് ചിരിച്ച് ഓടി നടക്കുന്നു. പെട്ടെന്ന് തോളിൽ ഒരാൾ തൊട്ടു, തിരിഞ്ഞു നോക്കിയപ്പോൾ മദർ തെരേസ ചിരിച്ചു കൊണ്ട് നിൽക്കുന്നു. “സിസ്റ്റർ, എന്റെ…

ആ സ്വപ്നം ഇങ്ങനെയായിരുന്നു. “സ്വർഗ്ഗത്തിലേക്ക് എടുക്കപ്പെട്ട ഞാൻ നിത്യനായ വിധികർത്താവിനെ മുഖത്തോട് മുഖം കണ്ടു. തേജസ്സാർന്ന പ്രകാശത്തിന്റെ ആധിക്യം കൊണ്ട് ഞാൻ തലയുയർത്തി നോക്കാൻ ധൈര്യപ്പെട്ടില്ല. “ആരാണ് നീ?” ക്രിസ്തു ചോദിച്ചു “ജെറോം, ഒരു ക്രിസ്ത്യാനി ” ഞാൻ പറഞ്ഞു. “നീ നുണ പറയുന്നു”. മുഖമടച്ചു ഒരടി കിട്ടിയ പോലെ എനിക്ക് തോന്നി. “ഞാൻ ക്രിസ്ത്യാനിയാണ് ” ഞാൻ വിളിച്ചുപറഞ്ഞു. ” നീ സിസെറോയുടെ ആളാണ്‌. നീ ക്രിസ്ത്യാനിയല്ല”!

സംശയമില്ല, ഏറ്റവും നല്ല സംവിധായകൻ ദൈവം തന്നെ. സിസ്റ്റർ അന്റോണിയ ബ്രെണ്ണർ, മെക്സിക്കോ ബോർഡറിലെ ടിയുവാന എന്ന സ്ഥലത്തുള്ള ലാ മെസ്സ ജയിലിൽ കഴിയുന്നവർക്കിടയിൽ സേവനം ചെയ്യുന്ന സന്യാസിനിയാണ്. ദൈവം എത്രയധികമായി സമൃദ്ധിയിൽ പരിപാലിക്കുന്നു എന്ന് പറയാൻ വേണ്ടി തനിക്കുണ്ടായ ഈ സംഭവം വിവരിക്കുകയായിരുന്നു. “ഒരു സ്ത്രീ ജയിലിലുള്ള ഭർത്താവിനെ കണ്ടുകഴിഞ്ഞ് എന്നെ കാണാൻ വന്നു. ഞാൻ അപ്പോൾ ആകെ ക്ഷീണിതയായിരുന്നു, കയ്യിൽ ആകെ ഉണ്ടായിരുന്നത് 15 ഡോളറും. ആ പാവപ്പെട്ട സ്ത്രീയെ കണ്ടപ്പോൾ ഞാൻ മനസ്സിൽ…

ആ സന്യാസി പറഞ്ഞു, “ഒന്ന്, നമ്മൾ പിശാചിനോട് ഒരു തരത്തിലുള്ള സംഭാഷണത്തിനും പോകേണ്ട കാര്യമില്ല. രണ്ട്, ഒരാൾക്കും ഭൂതകാലത്തിൽ കഴിഞ്ഞുപോയ കാര്യം മാറ്റി വേറൊന്നാക്കാനുള്ള കഴിവില്ല. മൂന്ന്, പിശാചിന്റെ ലക്ഷ്യം നമ്മുടെ നന്മ എത്രയുണ്ടെന്ന് തെളിയിക്കൽ ഒന്നും ആയിരുന്നില്ല, നമ്മെ ഭൂതകാലത്തിൽ തളച്ചിടാൻ ആയിരുന്നു അവന്റെ ശ്രമം. അങ്ങനെ നമ്മൾ, ദൈവം നമുക്ക് കൃപകൾ തരുന്ന, ദൈവത്തോടൊന്നു ചേർന്ന് അവന്റെ ഹിതം നിറവേറ്റേണ്ട, വർത്തമാനകാലം പാടെ അവഗണിക്കുമായിരുന്നു”.

പിന്നെയും മൂന്നുതവണ കൂടി നർഗീസ് അറസ്റ്റിലായി. അവരുടെ നാലാം വയസ്സിലും അഞ്ചാം വയസ്സിലും എട്ടാം വയസ്സിലും. മക്കളിൽ നിന്നും വേർപെട്ടുപോകുമ്പോൾ അനുഭവിച്ച വേദനയെക്കുറിച്ചു ടെഹ്റാനിലെ എവിൻ ജയിലിലെ മലനിരകൾക്കു മുന്നിലേക്ക് തുറക്കുന്ന ഒറ്റ ജനാല മാത്രമുള്ള സെല്ലിലിരുന്നു നർഗീസ് എഴുതിയിട്ടുണ്ട്. അമ്മയെ പൊലീസിന് വിട്ടുകൊടുക്കാതെ കഴുത്തിനു കെട്ടിപ്പിടിച്ചു കിടന്ന അലിയും കിയാനയും. പോലീസിനൊപ്പം പോകുമ്പോഴൊക്കെയും പിന്നിൽ അലമുറയിട്ടു കരഞ്ഞ കുഞ്ഞുങ്ങൾ, പിന്നിലേക്ക് പിടിച്ചുവലിച്ച അവരുടെ നിലവിളികൾ.

മറിയത്തിന്റെ വാഴ്ത്തപ്പെട്ട ജപമാലയെ, ഞങ്ങളെ ദൈവത്തോട് ഐക്യപ്പെടുത്തുന്ന മാധുര്യമുള്ള ചങ്ങലയെ, മാലാഖമാരോട് ഞങ്ങളെ ഒന്നിപ്പിക്കുന്ന സ്നേഹബന്ധനമേ, നരകത്തിന്റെ ആക്രമണങ്ങൾക്കെതിരെയുള്ള രക്ഷയുടെ ഗോപുരമേ, ഞങ്ങളുടെ സമുദ്രസഞ്ചാരത്തിൽ സുരക്ഷിതമായ തുറമുഖമേ, ഞങ്ങൾ നിന്നെ ഒരിക്കലും ഉപേക്ഷിക്കുകയില്ല. മരണത്തിന്റെ മണിക്കൂറിൽ നീ ഞങ്ങളുടെ ആശ്വാസമായിരിക്കും….