⚜️⚜️⚜️ November 1️⃣5️⃣⚜️⚜️⚜️
മഹാനായ വിശുദ്ധ ആല്ബെര്ട്ട്
⚜️⚜️⚜️⚜️⚜️⚜️⚜️⚜️⚜️⚜️⚜️⚜️
“ജര്മ്മനിയുടെ പ്രകാശം” അറിയപ്പെടുന്ന വിശുദ്ധ ആല്ബെര്ട്ടിനെ മഹാന് എന്ന് വിളിക്കുന്നതിന് കാരണം വിശുദ്ധന് അറിവിന്റെ ഒരു വിജ്ഞാനകോശമായതിനാലാണ്. ഡൊണാവുവിലെ ലവുന്ജെന് എന്ന സ്ഥലത്ത് 1193-ലാണ് ഇദ്ദേഹം ജനിച്ചത്. പാദുവായിലായിരുന്നു ഇദ്ദേഹത്തിന്റെ വിദ്യാഭ്യാസം. അവിടത്തെ രണ്ടാം ഡോമിനിക്കന് ജെനറലിന്റെ സ്വാധീനത്താല് അദ്ദേഹം 1223-ല് പുതുതായി രൂപം കൊണ്ട പ്രീച്ചേഴ്സ് സഭയില് ചേര്ന്നു. ഉടന് തന്നെ അദ്ദേഹം ജര്മ്മനിയിലേക്കയക്കപ്പെട്ട ഇദ്ദേഹം അവിടെ വിവിധ നഗരങ്ങളില് പ്രത്യേകിച്ച് കൊളോണില് പഠിപ്പിച്ച് കൊണ്ടിരുന്നു. തോമസ് അക്വിനാസ് ഇദ്ദേഹത്തിന്റെ ഒരു വിദ്യാര്ത്ഥിയായിരുന്നു. 1248-ല് പാരീസില് വെച്ച് വിശുദ്ധ ദൈവശാസ്ത്രത്തില് ബിരുദാന്തര ബിരുദം നേടി.
1254-ല് ആല്ബെര്ട്ട് ജര്മ്മനിയിലെ തന്റെ സഭയുടെ അധികാരിയായി നിയമിതനായി. കുറച്ച് കാലം അലെക്സാണ്ടര് രണ്ടാമന് മാര്പാപ്പയുടെ ന്യായാസനത്തില് ജോലിചെയ്ത ഇദ്ദേഹത്തെ മാര്പാപ്പ റീജെന്സ്ബര്ഗിലെ മെത്രാനാക്കി, എന്നിരുന്നാലും രണ്ടുവര്ഷത്തിനു ശേഷം അദ്ദേഹം കൊളോണിലെ തന്റെ സമൂഹത്തിന്റെ അടുത്ത് തിരിച്ചെത്തി.
അവിടെ അദ്ദേഹം ഒരു ഉപദേശകനായും, സമാധാന സംരക്ഷനായും, അവിടത്തെ ജനങ്ങളുടെ നല്ലിടയനായും വിജയകരമായി പ്രവര്ത്തിച്ചു വന്നു. തന്റെ 87-മത്തെ വയസ്സില് ഇദ്ദേഹം നിര്യാതനായി. 1931 ഡിസംബര് 11ന് പിയൂസ് പതിനൊന്നാമന് മാര്പാപ്പ ഇദ്ദേഹത്തെ വിശുദ്ധരുടെ ഗണത്തിലേക്കുയര്ത്തുകയും തിരുസഭയുടെ വൈദ്യനായി പ്രഖ്യാപിക്കുകയും ചെയ്തു. തന്റെ ജീവിതകാലത്തിന്റെ നല്ലൊരു ഭാഗവും എഴുത്തിനായിട്ടായിരുന്നു വിശുദ്ധന് ചിലവഴിച്ചിരുന്നത്.
തന്റെ പുസ്തകത്തിന്റെ 21 അദ്ധ്യായങ്ങളോളം അരിസ്റ്റോട്ടിലിനെ കുറിച്ചുള്ള പരാമര്ശങ്ങള്ക്കും (അരിസ്റ്റോട്ടില് അക്കലങ്ങളിലാണ് ജെര്മ്മനിയില് അറിയപ്പെടാന് തുടങ്ങിയിരുന്നത്), ബൈബിളിനെക്കുറിച്ച് പറയുവാനുമായിരുന്നു ചിലവഴിച്ചിരുന്നത്. ഐതിഹ്യമനുസരിച്ച് ഇദ്ദേഹമാണ് കൊളോണിലെ പ്രസിദ്ധമായ പള്ളിയുടെ തറയുടെ പ്ലാന് വരച്ചത്. മദ്ധ്യകാലഘട്ടങ്ങളിലെ മഹാനായ ജര്മ്മന് പണ്ഡിതനായ ആല്ബെര്ട്ട് പ്രകൃതി ശാസ്ത്രത്തിലും, ദൈവശാസ്ത്രത്തിലും തത്വചിന്തയിലും അഗ്രഗണ്യനായിരുന്നു.
ഇതര വിശുദ്ധര്
⚜️⚜️⚜️⚜️⚜️⚜️⚜️
- എദേസായില് വച്ച് വധിക്കപ്പെട്ട അബിബൂസ്
- ടൂള് ബിഷപ്പായിരുന്ന ആര്ണുള്ഫ്
- കാഹോഴ്സു ബിഷപ്പായിരുന്ന ഡെസിഡേരിയൂസ്
- ഫ്ലോരെന്സിലെ എവുജിന്
- നോളെയിലെ ഫെലിക്സ്
⚜️⚜️⚜️⚜️⚜️⚜️⚜️⚜️⚜️⚜️⚜️⚜️
നമ്മില് നിക്ഷേപിച്ചിരിക്കുന്ന ആത്മാവിനെ ദൈവം അസൂയയോടെ അഭിലഷിക്കുന്നു എന്നതിരുവെഴുത്തു വൃഥാ ആണെന്നു നിങ്ങള് വിചാരിക്കുന്നുവോ?
യാക്കോബ് 4 : 5
അവിടുന്നു കൃപാവരം ചൊരിയുന്നു. അതുകൊണ്ടാണ് ഇങ്ങനെ എഴുതിയിരിക്കുന്നത്: ദൈവം അഹങ്കാരികളെ എതിര്ക്കുകയും എളിമയുള്ളവര്ക്കു കൃപ കൊടുക്കുകയും ചെയ്യുന്നു.
യാക്കോബ് 4 : 6
ആകയാല് ദൈവത്തിനു വിധേയരാകുവിന്; പിശാചിനെ ചെറുത്തു നില്ക്കുവിന്, അപ്പോള് അവന് നിങ്ങളില്നിന്ന് ഓടിയകന്നുകൊള്ളും.
യാക്കോബ് 4 : 7
ദൈവത്തോടു ചേര്ന്നുനില്ക്കുവിന്; അവിടുന്ന് നിങ്ങളോടും ചേര്ന്നുനില്ക്കും. പാപികളേ, നിങ്ങള് കരങ്ങള് ശുചിയാക്കുവിന്. സന്ദിഗ്ധമനസ്കരേ, നിങ്ങളുടെ ഹൃദയങ്ങള് ശുചിയാക്കുവിന്.
യാക്കോബ് 4 : 8
ദുഃഖിക്കുകയും വിലപിക്കുകയും കരയുകയും ചെയ്യുവിന്; നിങ്ങളുടെ ചിരി കരച്ചിലായും, നിങ്ങളുടെ സന്തോഷം വിഷാദമായും മാറട്ടെ.
യാക്കോബ് 4 : 9
കര്ത്താവിന്റെ സന്നിധിയില് താഴ്മയുള്ളവരായിരിക്കുവിന്. അവിടുന്നു നിങ്ങളെ ഉയര്ത്തും.
യാക്കോബ് 4 : 10
പകലിന്റെ മക്കളായ നമുക്കു വിശ്വാസത്തിന്റെയും സ്നേഹത്തിന്റെയും കവചവും രക്ഷയുടെ പ്രത്യാശയാകുന്ന പടത്തൊപ്പിയും ധരിച്ചു സുബോധമുള്ളവരായിരിക്കാം.
1 തെസലോനിക്കാ 5 : 8
ദൈവത്തില്മാത്രമാണ് എനിക്കാശ്വാസം,
അവിടുന്നാണ് എനിക്കു പ്രത്യാശ നല്കുന്നത്.
അവിടുന്നു മാത്രമാണ് എന്റെ അഭയശിലയും കോട്ടയും
എനിക്കു കുലുക്കം തട്ടുകയില്ല.
എന്റെ മോചനവും മഹിമയും ദൈവത്തിലാണ്,
എന്റെ രക്ഷാശിലയും അഭയവും ദൈവമാണ്.
സങ്കീര്ത്തനങ്ങള് 62 : 5-7
അവനെക്കുറിച്ച് എഴുതപ്പെട്ടിരുന്നതെല്ലാം പൂര്ത്തിയായപ്പോള് അവര് അവനെ കുരിശില്നിന്നു താഴെയിറക്കി കല്ലറയില് സംസ്കരിച്ചു.
അപ്പ.പ്രവര്ത്തനങ്ങള് 13:29
🍥🥦🍥🥦🍥🥦🍥🥦🍥🥦🍥
🕯️തന്റെ നിത്യ മഹത്വത്തിലേക്കു ക്രിസ്തുവില് നിങ്ങളെ വിളിച്ചിരിക്കുന്ന അനുഗ്രഹദാതാവായ ദൈവം നിങ്ങളെ അല്പകാലത്തെ സഹനത്തിനുശേഷം പൂര്ണരാക്കുകയും സ്ഥിരീകരിക്കുകയും ശക്തരാക്കുകയും ചെയ്യും.🕯️
📖 1 പത്രോസ് 5 : 10 📖
നിന്റെ സൗഖ്യത്തിനുള്ള ഒരേയൊരു മാര്ഗ്ഗം ദിവ്യകാരുണ്യ സ്വീകരണമാണ്. നിന്റെ ആത്മാവിന്റെ അതിഥിക്ക് നിന്റെ സങ്കടങ്ങളറിയാം. അവനുവേണ്ടിമാത്രം ശൂന്യമാക്കിയ ഒരു വീട്! അതുമാത്രമാണവനാഗ്രഹിക്കുന്നത്…………..✍️ വി.കൊച്ചുത്രേസ്യ 🌻 🌻
🍥🥦🍥🥦🍥🥦🍥🥦🍥🥦🍥
Nelson MCBS 
Leave a comment