⚜️⚜️⚜️ November 1️⃣8️⃣⚜️⚜️⚜️
ക്ലൂണിയിലെ വിശുദ്ധ ഓഡോ
⚜️⚜️⚜️⚜️⚜️⚜️⚜️⚜️⚜️⚜️⚜️⚜️
ക്ലൂണിയിലെ പ്രസിദ്ധമായ ആശ്രമത്തിന്റെ പ്രകാശമായിരുന്നു വിശുദ്ധ ഓഡോ. ഈ മഹാനായ മഠാധിപതിക്ക് കീഴില് ആശ്രമജീവിതത്തിലും പൗരോഹിത്യ ജീവിതത്തിലും ഒരു നവോത്ഥാനം ഉണ്ടാക്കുന്നതിന് ആശ്രമത്തിനു കഴിഞ്ഞു. ക്ലൂണിയിലെ ആശ്രമത്തിലെ രണ്ടാം മഠാധിപതിയായിരുന്നു വിശുദ്ധ ഓഡോയെങ്കിലും ടൂര്സിലെ വിശുദ്ധ മാര്ട്ടിന്റെ അനുയായിയായാണ് അദ്ദേഹം തന്റെ ആത്മീയ ജീവിതം ആരംഭിക്കുന്നത്. ഡിയോള്സിലെ പ്രഭുവായ എബ്ബോ-I ന്റെ മകനായി ജനിച്ച വിശുദ്ധന് അക്വിറ്റെയിനിലെ പ്രഭുവിന്റെ കൊട്ടാരത്തിലായിരുന്നു തന്റെ പ്രാഥമിക വിദ്യാഭ്യാസം നടത്തിയത്. പിന്നീട് പാരീസില് ഒക്സേറിലെ റെമീജിയൂസിന് കീഴില് വിദ്യ അഭ്യസിച്ചു.
ടൂര്സിലെ വിശുദ്ധ മാര്ട്ടിന്റെ കാനണ് ആയിരിക്കെ വിശുദ്ധ ഓഡോ ക്ലൂണി ആശ്രമത്തിന്റെ സ്ഥാപകനായ വാഴ്ത്തപ്പെട്ട ബെര്ണോയുമായി പരിചയത്തിലാവുകയും പിന്നീട് ബൌമെയിലെ ഒരു ക്ലൂണി ആശ്രമത്തിലെ സന്യാസിയാവുകയും ചെയ്തു. 927-ല് അദ്ദേഹം ബെര്ണോയുടെ പകരക്കാരനായി ക്ലൂണി ആശ്രമത്തിലെ മഠാധിപതിയായി ചുമതലയേറ്റു. ജോണ് പതിനാറാമന് മാര്പാപ്പാ ഇദ്ദേഹത്തെ ഈ ചുമതലയില് നിന്നും ഒഴിവാക്കി പകരം ആശ്രമജീവിതം ജീര്ണ്ണിച്ച അവസ്ഥയിലായികൊണ്ടിരുന്ന ഇറ്റലിയിലേയും ഫ്രാന്സിലെയും ആശ്രമങ്ങള്ക്ക് നവോത്ഥാനം നല്കുക എന്ന ചുമതല നല്കി.
ഇക്കാര്യത്തില് വളരെയേറെ വിജയം കൈവരിച്ച ഈ വിശുദ്ധനെ ഇതുമൂലം ‘ആശ്രമങ്ങളുടെ പുനഃസ്ഥാപകന്’ എന്നാണ് വിളിച്ചിരുന്നത്. ഒരു നൂറ്റാണ്ടോളം ആശ്രമജീവിതത്തിന്റെ മാതൃകയായി വര്ത്തിച്ച ക്ലൂണിക്ക് രീതി ആവിഷ്കരിച്ചത് ഈ വിശുദ്ധനാണ്. ആശ്രമജീവിതത്തില് താല്പ്പര്യം ഉണ്ടാക്കുവാന് ഇദ്ദേഹം നടത്തിയ പ്രചാരണങ്ങള് യൂറോപ്പിലെ ആത്മീയജീവിതത്തില് സമൂലമായ മാറ്റംവരുത്തി.
ഇറ്റലിയിലെ ഭരണത്തിനായി പരസ്പരം മത്സരിച്ച് കൊണ്ടിരുന്ന രണ്ട് ഭരണാധികാരികളെ അനുനയിപ്പിക്കുക എന്ന ദൗത്യവുമായി മാര്പാപ്പാ തന്റെ സമാധാന ദൂതനായി പിന്നീട് ഇദ്ദേഹത്തെ ഇറ്റലിയിലേക്കയച്ചു. റോമില് നിന്ന് മടങ്ങവേ 942-ല് അദ്ദേഹം രോഗബാധിതനാവുകയും വിശുദ്ധ മാര്ട്ടിന്റെ നാമഹേതു തിരുന്നാള് ആഘോഷിക്കുന്നതിനായി ടൂര്സിലെ വിശുദ്ധ ജൂളിയന്റെ ആശ്രമത്തില് തങ്ങുകയും ചെയ്തു. നവംബര് 11ന് അദ്ദേഹം ആഘോഷങ്ങളില് പങ്ക് കൊള്ളുകയും തുടര്ന്ന് നവംബര് 18ന് അദ്ദേഹം മരണപ്പെടുകയും ചെയ്തു. രോഗബാധിതനായ ദിവസങ്ങളില് അദ്ദേഹം വിശുദ്ധ മാര്ട്ടിന്റെ സ്തുതി ഗീതങ്ങള് രചിക്കുകയുണ്ടായി.
ആശ്രമ നവോത്ഥാനത്തിന് പുറമേ നിരവധി സാഹിത്യ കൃതികളും ആരാധനാ ഗീതങ്ങളും ഈ വിശുദ്ധന്റെതായിട്ടുണ്ട്. ഇദ്ദേഹത്തിന്റെ ഭൗതികാവശിഷ്ടങ്ങള് ഫ്രാന്സിലെ I’Isle-Jourdain-ല് സൂക്ഷിച്ചിട്ടുണ്ട്. ക്ലൂണിയിലെ വിശുദ്ധ ഓഡോ, ടൂര്സിലെ വിശുദ്ധ മാര്ട്ടിനെ സ്നേഹിക്കുക മാത്രമല്ല, ഒരു ചെറുപ്പകാരനെന്ന നിലയില് വിശുദ്ധ മാര്ട്ടിന് ഭിക്ഷകാരോട് കാണിച്ചിരുന്ന സ്നേഹം അനുകരിക്കുവാനും ശ്രമിച്ചിരുന്നു.
ഇതര വിശുദ്ധര്
⚜️⚜️⚜️⚜️⚜️⚜️⚜️
- അമാന്തൂസും ആന്സെലിനും
- അയര്ലന്റിലെ കോണ്സ്റ്റാന്റ്
- ഐറിഷു ബിഷപ്പായിരുന്ന ഫെര്ഗുസ്
- റോമന് പടയാളിയായ ആന്റിയക്കിലെ ഹെസിക്കിയൂസ്
- കോര്ണിഷു വിശുദ്ധനായ കെവേണ്
⚜️⚜️⚜️⚜️⚜️⚜️⚜️⚜️⚜️⚜️⚜️⚜️
ഇതാണു സ്നേഹം: നാം അവിടു ത്തെ കല്പനകളനുസരിച്ചു നടക്കുക. കല്പനയാകട്ടെ, ആരംഭംമുതലേ നിങ്ങള് ശ്രവിച്ചിരിക്കുന്നതുപോലെ സ്നേഹത്തില് വ്യാപരിക്കുക എന്നതും.
2 യോഹന്നാന് 1 : 6
ജനമേ, എന്നും ദൈവത്തില്ശരണംവയ്ക്കുവിന്,
അവിടുത്തെ മുന്പില് നിങ്ങളുടെ ഹൃദയം തുറക്കുവിന്.അവിടുന്നാണു നമ്മുടെ സങ്കേതം.
മര്ത്യന് ഒരു നിശ്വാസംമാത്രം,
വലിയവനും ചെറിയവനുംഒന്നുപോലെ മിഥ്യയാണ്;
തുലാസിന്റെ തട്ടില് അവര് പൊങ്ങിപ്പോകും;
അവര് മുഴുവന് ചേര്ന്നാലുംശ്വാസത്തെക്കാള് ലഘുവാണ്.
ചൂഷണത്തില് ആശ്രയിക്കരുത്,
കവര്ച്ചയില് വ്യര്ഥമായി ആശവയ്ക്കരുത്.
സമ്പത്തു വര്ധിച്ചാല് അതില്മനസ്സു വയ്ക്കരുത്.
സങ്കീര്ത്തനങ്ങള് 62 : 8-10
സകലത്തെയും തനിക്കു കീഴ്പ്പെടുത്താന് കഴിയുന്ന ശക്തിവഴി അവന് നമ്മുടെ ദുര്ബലശരീരത്തെ തന്റെ മഹത്വമുള്ള ശരീരംപോലെ രൂപാന്തരപ്പെടുത്തും.
ഫിലിപ്പി 3 : 21
ദൈവമേ, അവിടുന്നാണ് എന്റെ ദൈവം; ഞാനങ്ങയെ തേടുന്നു.
എന്റെ ആത്മാവ് അങ്ങേക്കായി ദാഹിക്കുന്നു.
ഉണങ്ങിവരണ്ട ഭൂമിയെന്നപോലെഎന്റെ ശരീരം അങ്ങയെ കാണാതെ തളരുന്നു.
അങ്ങയുടെ ശക്തിയും മഹത്വവും ദര്ശിക്കാന് ഞാന് വിശുദ്ധ മന്ദിരത്തില് വന്നു.
അങ്ങയുടെ കാരുണ്യം ജീവനെക്കാള് കാമ്യമാണ്;
എന്റെ അധരങ്ങള് അങ്ങയെ സ്തുതിക്കും.
സങ്കീര്ത്തനങ്ങള് 63 : 1-3
അങ്ങനെ, നമ്മെപുത്രന്മാരായി ദത്തെടുക്കേണ്ടതിന് അവന് നിയമത്തിന് അധീനരായിക്കഴിഞ്ഞവരെ വിമുക്തരാക്കി.
ഗലാത്തിയാ 4 : 5
അങ്ങയുടെനാമം വിളിച്ചപേക്ഷിക്കും.
കിടക്കയില് ഞാന് അങ്ങയെ ഓര്ക്കുകയും
രാത്രിയാമങ്ങളില് അങ്ങയെക്കുറിച്ചുധ്യാനിക്കുകയും ചെയ്യുമ്പോള്
ഞാന് മജ്ജയും മേദസും കൊണ്ടെന്നപോലെ സംതൃപ്തിയടയുന്നു.
എന്റെ അധരങ്ങള് അങ്ങേക്ക്
ആനന്ദഗാനം ആലപിക്കും.
സങ്കീര്ത്തനങ്ങള് 63 : 4-6
മൂശയില് വെള്ളിയും ഉലയില് സ്വര്ണവും ശോധന ചെയ്യപ്പെടുന്നു;ഹൃദയങ്ങളെ പരിശോധിക്കുന്നത് കര്ത്താവാണ്.
സുഭാഷിതങ്ങള് 17 : 3
🍥🥦🍥🥦🍥🥦🍥🥦🍥🥦🍥
🕯️നിങ്ങള് ദൈവത്തിന്റെ ആ ലയമാണെന്നും ദൈവാത്മാവ് നിങ്ങളില് വസിക്കുന്നുവെന്നും നിങ്ങള് അറിയുന്നില്ലേ?🕯️
📖 1 കോറിന്തോസ് 3:16 📖
ആരാധ്യനായ ദൈവത്തെ അപ്പത്തില് കാണുക. അവനുമായി ഗാഢബന്ധത്തിലാവുക……..✍️
സമ്പ്രാനിലെ വി. എല്സെയർ 🌻🌻
🍥🥦🍥🥦🍥🥦🍥🥦🍥🥦🍥
അനന്തരം യേശു അവരോടൊത്ത് ഗത്സേമനി എന്ന സ്ഥലത്തെത്തി. അവന് ശിഷ്യന്മാരോടു പറഞ്ഞു: ഞാന് പോയി പ്രാര്ഥിക്കുവോളം നിങ്ങള് ഇവിടെ ഇരിക്കുക.
അവന് പത്രോസിനെയും സെബദിയുടെ ഇരുപുത്രന്മാരെയും കൂടെക്കൊണ്ടുപോയി, ദുഃഖിക്കാനും അസ്വസ്ഥനാകാനും തുടങ്ങി.
അവന് അവരോടു പറഞ്ഞു: തീവ്രദുഃഖത്താല് ഞാന് മരണത്തോളം എത്തിയിരിക്കുന്നു. നിങ്ങള് എന്നോടൊത്ത് ഉണര്ന്നിരിക്കുക.
അവന് അല്പദൂരം മുന്നോട്ടു ചെന്ന് കമിഴ്ന്നു വീണു പ്രാര്ഥിച്ചു: എന്റെ പിതാവേ, സാധ്യമെങ്കില് ഈ പാനപാത്രം എന്നില് നിന്നകന്നുപോകട്ടെ. എങ്കിലും എന്റെ ഹിതംപോലെയല്ല; അവിടുത്തെ ഹിതംപോലെയാകട്ടെ.
അനന്തരം അവന് ശിഷ്യന്മാരുടെ അടുത്തേക്കുവന്നു. അപ്പോള് അവര് ഉറങ്ങുന്നതു കണ്ടു. അവന് പത്രോസിനോടു ചോദിച്ചു: എന്നോടുകൂടെ ഒരു മണിക്കൂര് ഉണര്ന്നിരിക്കാന് നിങ്ങള്ക്കു കഴിഞ്ഞില്ലേ?
പ്രലോഭനത്തില് അകപ്പെടാതിരിക്കാന് നിങ്ങള് ഉണര്ന്നിരുന്നു പ്രാര്ഥിക്കുവിന്; ആത്മാവു സന്നദ്ധമെങ്കിലും ശരീരം ബലഹീനമാണ്.
രണ്ടാം പ്രാവശ്യവും അവന് പോയി പ്രാര്ഥിച്ചു: എന്റെ പിതാവേ, ഞാന് കുടിക്കാതെ ഇതു കടന്നുപോകയില്ലെങ്കില് അങ്ങയുടെ ഹിതം നിറവേറട്ടെ!
അവന് വീണ്ടും വന്നപ്പോള് അവര് ഉറങ്ങുന്നതു കണ്ടു. അവരുടെ കണ്ണുകള് നിദ്രാഭാരമുള്ളവയായിരുന്നു.
അവന് അവരെവിട്ടു മൂന്നാം പ്രാവശ്യവും പോയി അതേ പ്രാര്ഥന ആവര്ത്തിച്ചു.
പിന്നെ അവന് ശിഷ്യന്മാരുടെ അടുത്തു വന്നു പറഞ്ഞു: നിങ്ങള് ഇപ്പോഴും ഉറങ്ങി വിശ്രമിക്കുന്നുവോ? ഇതാ, സമയം അടുത്തിരിക്കുന്നു. മനുഷ്യപുത്രന് പാപികളുടെ കൈകളില് ഏല്പിക്കപ്പെടുന്നു.
എഴുന്നേല്ക്കുവിന്, നമുക്കു പോകാം. എന്നെ ഒറ്റിക്കൊടുക്കുന്നവന് അടുത്തെത്തിയിരിക്കുന്നു.
മത്തായി 26 : 36-46
അവന് സംസാരിച്ചുകൊണ്ടിരിക്കുമ്പോള്ത്തന്നെ പന്ത്രണ്ടുപേരില് ഒരുവനായ യൂദാസ് അവിടെയെത്തി. അവനോടുകൂടെ പ്രധാനപുരോഹിതന്മാരുടെയും ജനപ്രമാണികളുടെയും അടുക്കല്നിന്ന് വാളും വടികളുമായി ഒരു ജനക്കൂട്ടവും വന്നിരുന്നു.
ഒറ്റുകാരന് അവര്ക്ക് ഈ അടയാളം നല്കിയിരുന്നു. ഞാന് ആരെ ചുംബിക്കുന്നുവോ അവന് തന്നെ. അവനെ പിടിച്ചുകൊള്ളുക.
അവന് പെട്ടെന്ന് യേശുവിന്റെ അടുത്തുചെന്ന്, ഗുരോ, സ്വസ്തി എന്നു പറഞ്ഞ് അവനെ ചുംബിച്ചു.
യേശു അവനോടു ചോദിച്ചു: സ്നേഹിതാ, നീ എന്തിനാണു വന്നത്? അപ്പോള് അവര് മുന്നോട്ടു വന്ന് യേശുവിനെ പിടിച്ചു.
യേശുവിനോടുകൂടെ ഉണ്ടായിരുന്നവരില് ഒരുവന് കൈനീട്ടി, വാള് ഊരി പ്രധാന പുരോഹിതന്റെ സേവകനെ വെട്ടി, അവന്റെ ചെവി ഛേദിച്ചുകളഞ്ഞു.
യേശു അവനോടു പറഞ്ഞു: വാള് ഉറയിലിടുക; വാളെടുക്കുന്നവന് വാളാല് നശിക്കും.
എനിക്ക് എന്റെ പിതാവിനോട് അപേക്ഷിക്കാന് കഴിയുകയില്ലെന്നും ഉടന് തന്നെ അവിടുന്ന് എനിക്കു തന്റെ ദൂതന്മാരുടെ പന്ത്രണ്ടിലേറെ വ്യൂഹങ്ങളെ അയച്ചുതരുകയില്ലെന്നും നീ വിചാരിക്കുന്നുവോ?
അങ്ങനെയെങ്കില്, ഇപ്രകാരം സംഭവിക്കണമെന്ന വിശുദ്ധ ലിഖിതം എങ്ങനെ നിറവേറും?
യേശു ജനക്കൂട്ടത്തോടു പറഞ്ഞു: കവര്ച്ചക്കാരനെതിരേ എന്നപോലെ വാളുകളും വടികളുമായി നിങ്ങള് എന്നെ ബന്ധിക്കുവാന് വന്നിരിക്കുന്നുവോ? ഞാന് ദിവസവും ദേവാലയത്തിലിരുന്നു നിങ്ങളെ പഠിപ്പിച്ചിരുന്നു; നിങ്ങള് എന്നെ പിടിച്ചില്ല.
പ്രവാചകന്മാരുടെ ലിഖിതങ്ങള് പൂര്ത്തിയാകാന് വേണ്ടിയാണ് ഇതൊക്കെയും സംഭവിച്ചത്. അപ്പോള് ശിഷ്യന്മാരെല്ലാവരും അവനെവിട്ട് ഓടിപ്പോയി.
മത്തായി 26 : 47-56
ശുദ്ധീകരണാത്മാക്കളുടെ വണക്കമാസം: പതിനെട്ടാം തീയതി
ജപം
പിതാവായ ദൈവമേ, അങ്ങേ സ്നേഹകുമാരനും ഞങ്ങളുടെ രക്ഷകനുമായ ഈശോമിശിഹാ അനുഭവിച്ച പീഡകളെയും, കുരിശു മരണത്തേയും ചിന്തിയ തിരുരക്തത്തെയും കുറിച്ച് ശുദ്ധീകരണ സ്ഥലത്തിലെ ആത്മാക്കളുടെ പീഡന കാലയളവ് കുറച്ച് നല്കി അങ്ങേ സന്നിധാനത്തിലേക്ക് അവരെ വിളിക്കുവാന് കൃപ ചെയ്തരുളണമെ.
മരിച്ച വിശ്വാസികളുടെ ആത്മാക്കള്ക്ക് തമ്പുരാന്റെ മനോഗുണത്താല് മോക്ഷത്തില് ചേരുവാന് ഇടയുണ്ടായിരിക്കട്ടെ.
നിത്യപിതാവേ! ഈശോമിശിഹാ കര്ത്താവിന്റെ വിലമതിയാത്ത തിരുച്ചോരയെക്കുറിച്ച് മരിച്ച വിശ്വാസികളുടെമേല് കൃപയായിരിക്കണമേ.
സൂചന
(മരിച്ച വിശ്വാസികളുടെ ആത്മാക്കള്ക്കു വേണ്ടി ഈശോയുടെ അഞ്ചു തിരുമുറിവുകളെക്കുറിച്ച് താഴെ കൊടുത്തിരിക്കും വിധം അഞ്ചു പ്രാവശ്യം ചൊല്ലുക)
മരിച്ച വിശ്വാസികളുടെ ആത്മാക്കള്ക്കു തമ്പുരാന്റെ മനോഗുണത്താല് മോക്ഷത്തില് ചേരുവാൻ അനുഗ്രഹമുണ്ടായിരിക്കട്ടെ.
നിത്യപിതാവേ, ഈശോമിശിഹാ കര്ത്താവിന്റെ വിലമതിയാത്ത തിരുച്ചോരയെക്കുറിച്ച് അവരുടെമേല് കൃപയുണ്ടാകണമേ.
1 സ്വര്ഗ്ഗ. 1 നന്മ. 1 ത്രിത്വ.
സുകൃതജപം
ഈശോ മിശിഹായുടെ ദിവ്യ ഹൃദയമേ! ഞങ്ങളുടെമേല് അലിവായിരിക്കണമേ.
സല്ക്രിയ
ശുദ്ധീകരിക്കപ്പെടുന്ന ആത്മാക്കളെ പ്രതി ഇന്ന് ഒരു നേരത്തെ ആഹാരത്തിന്റെ ഒരു ഭാഗം ഉപേക്ഷിച്ച് അത് ഭിക്ഷക്കാര്ക്ക് കൊടുക്കുക.
Nelson MCBS 
Leave a comment