വന്ദനം യേശുപരാ…
Advertisements
വന്ദനം യേശുപരാ! നിനക്കെന്നും
വന്ദനം യേശുപരാ!
വന്ദനം ചെയ്യുന്നു നിന്നടിയാര്‍ തിരു
നാമത്തിന്നാദരവായ്.
ഇന്നു നിന്‍ സന്നിധിയില്‍ അടിയാര്‍ക്കു
വന്നു ചേരുവതിനായ്
തന്ന നിന്നുന്നതമാം കൃപയ്ക്കഭി-
വന്ദനം ചെയ്തിടുന്നേ
വന്ദനം യേശു…
നിന്‍രുധിരമതിനാല്‍ – പ്രതിഷ്ഠിച്ച
ജീവപുതുവഴിയായ്‌
നിന്നടിയാര്‍ക്കു-പിതാവിന്‍ സന്നിധൌ
വന്നിടാമേ സതതം
വന്ദനം യേശു…
ഇത്ര മഹത്വമുള്ള പദവിയെ
ഇപ്പുഴുക്കള്‍ക്കരുളാന്‍
പാത്രതയേതുമില്ല – നിന്റെ കൃപ
എത്ര വിചിത്രമഹോ
വന്ദനം യേശു…
വാനദൂതഗണങ്ങള്‍ – മനോഹര
ഗാനങ്ങളാല്‍ സതതം
ഊനമെന്യേ പുകഴ്ത്തി സ്തുതിക്കുന്ന
വാനവനേ നിനക്കു
വന്ദനം യേശു…
മന്നരില്‍ മന്നവന്‍ നീ-മനുകുല-
ത്തിന്നു രക്ഷാകാരന്‍ നീ
മിന്നും പ്രഭാവമുള്ളോന്‍ പിതാവിന്നു
സന്നിഭന്‍ നീയല്ലയോ
വന്ദനം യേശു…
നീയൊഴികെ ഞങ്ങള്‍ക്കു – സുരലോകെ
ആരുള്ളു ജീവനാഥാ!
നീയൊഴികെ ഇഹത്തില്‍ മറ്റാരുമി-
ല്ലാഗ്രഹിപ്പാന്‍ പരനേ
വന്ദനം യേശു…
Advertisements
Nelson MCBS 