{പുലർവെട്ടം 388}   അധ്യാപികയായ ബോബി ജോസിന്റെ ‘ഇന്ത്യയിൽ നിന്ന് അമേരിക്കയിലേക്കും തിരിച്ചും ചില നോട്ടങ്ങങ്ങൾ’ എന്ന പുസ്തകത്തിൽ ആ പദം പരാമർശിച്ചുകണ്ടു – Potluck. വിരുന്നിനു ക്ഷണം കിട്ടിയവർ ഓരോ വിഭവങ്ങളുമായി എത്തുന്ന രീതിയാണത്. Pot, luck ഈ പദങ്ങൾ ചേർന്നോ വടക്കേ അമേരിക്കക്കാരുടെ പരമ്പരാഗതവിരുന്നിന്റെ പേരായ potlatch എന്നതിൽ നിന്നോ ആയിരിക്കാം ഈ സങ്കല്പമുണ്ടായത്. Faith supper എന്നാണ് പള്ളിയങ്കണത്തിൽ ഇതിനു പേര്. കപ്പൂച്ചിൻ ധ്യാനരീതിയിൽ ഇതിന്റെയൊരു വകഭേദം ഉണ്ടായിരുന്നു. വലിയ അംഗസംഖ്യയുള്ള ഇടവകകളിൽ…

{പുലർവെട്ടം 389}   ചെറിയ ചുവടുകൾ കൊണ്ടാണ് മാനവരാശി അതിന്റെ എല്ലാ കുതിച്ചുചാട്ടങ്ങളും നടത്തിയിട്ടുള്ളത്. ചരിത്രത്തിലെ ഏറ്റവും ശ്രദ്ധേയമായ വൺലൈനർ ആണത്- “That’s one small step for man, one giant leap for mankind.” നീൽ ആംസ്ട്രോങ് മിസ്ക്വോട്ട് ചെയ്യപ്പെടുകയായിരുന്നെന്ന് ഒരു പക്ഷമുണ്ട്. അപ്പോളോ 11-ലെ ആ സഞ്ചാരി എന്താണു പറയുന്നതെന്നറിയാൻ ലോകം കാതു കൂർപ്പിക്കുകയായിരുന്നു. അന്നുതൊട്ട് ഇന്നോളം ആ വാചകം ഭൂമിയിൽ ഘോഷിക്കപ്പെടുന്നു. എന്നാൽ ആംസ്ട്രോങ് താൻ മന്ത്രിച്ചത് ‘a man’ എന്നാണെന്ന്…

{പുലർവെട്ടം 390}   സൂക്ഷിച്ചുനോക്കിയാൽ ആ മേശയിൽ ചൊരിഞ്ഞുപോയ ഉപ്പുപാത്രം കാണാം. നിങ്ങളിൽ ഒരുവൻ എന്നെ ഒറ്റുകൊടുക്കുമെന്ന വാക്കിന്റെ നടുക്കത്തിൽ സംഭവിച്ചതാവാം അത്. ഫിലോസഫറായ പൈതഗോറസ് ഉപ്പിനെ നീതിയുടെ പര്യായമായി എണ്ണിയിരുന്നു. അതു തുളുമ്പിപ്പോവുക എന്നാൽ ആസന്നമായ ഒരു നീതിനിഷേധത്തിന്റെ മുന്നറിയിപ്പാവാമെന്ന യവനവിശ്വാസം ‘അന്ത്യ അത്താഴം’ എഴുതുമ്പോൾ ഡാവിഞ്ചിയെ സ്വാധീനിച്ചിട്ടുമുണ്ടാവണം. ചരിത്രത്തിലെ ഏറ്റവും വലിയ അനീതി സംഭവിക്കാനിരിക്കുന്നതേയുള്ളു. ‘നിങ്ങൾ ഭൂമിയുടെ ഉപ്പാണ്, ഉറ കെട്ടുപോയാൽ എങ്ങനെ വീണ്ടും ഉറ കൂട്ടും? പുറത്ത് വലിച്ചെറിഞ്ഞ് മനുഷ്യരാൽ ചവിട്ടപ്പെടാനല്ലാതെ മറ്റൊന്നിനും…

{പുലർവെട്ടം 391}   ഷൂസെ സരമാഗോയുടെ Small Memories എന്ന തീരെച്ചെറിയ പുസ്തകം വായിച്ചുതീരുമ്പോൾ സ്വാഭാവികമായും നമ്മുടെതന്നെ കുട്ടിക്കാലത്തെയാണ് റീ-വിസിറ്റ് ചെയ്യുന്നത്. പതിനെട്ടാം മാസത്തിൽ അച്ഛനും അമ്മയും കുട്ടിയെ അമ്മയുടെ നാട്ടിൽനിന്ന് ലിസ്ബൺ പട്ടണത്തിലേക്കു കൊണ്ടുപോയി. തെല്ലു മുതിർന്നു കഴിയുമ്പോൾ പലയാവർത്തി അയാൾ തന്റെ മുത്തശ്ശനേയും മുത്തശ്ശിയേയും തേടി ആ ഗ്രാമത്തിലേക്കെത്തുന്നുണ്ട്. മിക്കവാറും പേർക്ക് അമ്മവീടിനേക്കുറിച്ച് ഹൃദ്യമായ ഓർമകളുണ്ടാകുമെന്നുതന്നെ കരുതുന്നു. ഞങ്ങളുടെ കാര്യത്തിൽ അമ്മവീട്ടിലായിരുന്നു വേനലവധിയുടെ ഏകദേശം മുഴുവൻ സമയവും. പരീക്ഷ കഴിഞ്ഞ് വേനലിന്റെ സ്കൂൾപൂട്ട് എന്നാണെന്ന്…