Kyrie, eléison.

Christe, eléison.

Kyrie, eléison.

Christe, audi nos.

Christe, exáudi nos.

Pater de caelis, Deus,

miserére nobis.

Fili Redémptor mundi, Deus,

miserére nobis.

Spíritus Sancte, Deus,

miserére nobis.

Sancta Trínitas, unus Deus,

miserére nobis.

Sanguis Christi, Unigénite Patris aetérni,

salva nos.

Sanguis Christi, Verbi Dei incarnáti,

salva nos.

Sanguis Christi, Novi et Aetérni Testaménti,

salva nos.

Sanguis Christi, in agonia decúrrens in terram,

salva nos.

Sanguis Christi, in flagellatióne profluens,

salva nos.

Sanguis Christi, in coronatióne spinarum emánans,

salva nos.

Sanguis Christi, in Cruce effúsus,

salva nos.

Sanguis Christi, pretium nostrae salútis,

salva nos.

Sanguis Christi, sine quo non fit remíssio,

salva nos.

Sanguis Christi, in Eucharístia potus et lavácrum animárum,

salva nos.

Sanguis Christi, flumen misericórdiae,

salva nos.

Sanguis Christi, victor daemonum,

salva nos.

Sanguis Christi, fortitúdo martyrum,

salva nos.

Sanguis Christi, virtus confessorum,

salva nos.

Sanguis Christi, germinans vírgines,

salva nos.

Sanguis Christi, robur periclitántium,

salva nos.

Sanguis Christi, levámen laborántium,

salva nos.

Sanguis Christi, in fletu solácium,

salva nos.

Sanguis Christi, spes poeniténtium,

salva nos.

Sanguis Christi, solámen moriéntium,

salva nos.

Sanguis Christi, pax et dulcédo córdium,

salva nos.

Sanguis Christi, pignus vitae aetérnae,

salva nos.

Sanguis Christi, ánimas liberans de lacu Purgatórii,

salva nos.

Sanguis Christi, omni glória et honóre digníssimus,

salva nos.

Agnus Dei, qui tollis peccáta mundi,

parce nobis, Dómine.

Agnus Dei, qui tollis peccáta mundi,

exáudi nos, Dómine.

Agnus Dei, qui tollis peccáta mundi,

miserére nobis.

℣. Redemísti nos, Dómine, in sánguine tuo.

℟. Et fecísti nos Deo nostro regnum.

𝗢𝗿é𝗺𝘂𝘀

Omnípotens sempitérne Deus,

qui Unigénitum Fílium tuum mundi Redemptórem constituísti,

ac ejus sánguine placári voluísti:

concéde, quaésumus,

salútis nostrae prétium ita venerári,

atque a praeséntis vitae malis ejus virtúte deféndi in terris,

ut fructu perpétuo laetémur in caelis.

Per eúndem Christum Dóminum nostrum.

℟. Amen.