വിശുദ്ധ മാർക്കോസ് ബൈബിളിൽ രണ്ടാമതായി കാണുന്ന വിശുദ്ധ മാർക്കോസിന്റെ സുവിശേഷം ആണ് ആദ്യം എഴുതപ്പെട്ട സുവിശേഷമായി കരുതപ്പെടുന്നത്. നാലു സുവിശേഷങ്ങളിൽ താരതമ്യേന ചെറുതുമായ ഇത്‌ A.D.65 നോട് അടുത്ത്, റോമിൽ വെച്ച് ഗ്രീക്ക് ഭാഷയിലാണ് അപ്പസ്തോലന്മാരുടെ രാജകുമാരൻ വാമൊഴിയായി പഠിപ്പിച്ചതെല്ലാം നഷ്ടപ്പെട്ടു പോകാതിരിക്കാൻ റോമൻ ക്രിസ്ത്യാനികളുടെ അപേക്ഷപ്രകാരം വിശുദ്ധ മാർക്കോസ് എഴുതിവെച്ചത്. റോമിൽ പത്രോസ് ശ്ലീഹായുടെ സെക്രട്ടറി ആയിരുന്ന മാർക്കോസ്, പത്രോസ് ശ്ലീഹ ഈശോയുടെ ജീവിതത്തെപറ്റി പറയുന്നതെല്ലാം എഴുതിയെടുത്തു സൂക്ഷിച്ചിരുന്നു.വിശദമായും സ്പഷ്ടമായും പത്രോസിന്റെ സ്വഭാവസവിശേഷതകളെ പറ്റി ഈ…

യഹൂദജനത നൂറ്റാണ്ടുകൾ രക്ഷകന് വേണ്ടി കാത്തിരുന്നു.പക്ഷെ അവസാനം അവൻ അവർക്കിടയിലേക്ക് വന്നപ്പോൾ അവനെ അവർ വിശ്വസിച്ചില്ല. അവന്റെ അറിവ് അവരെ അത്ഭുതപ്പെടുത്തി , അവൻ ചെയ്ത അത്ഭുതപ്രവൃത്തികൾ കണ്ടു . എന്നിട്ടും തങ്ങളുടെ ‘കർത്താവും ദൈവവും’ ആയി അവർ അവനെ കണ്ടില്ല. ഒരു തച്ചന്റെ മകനായി മാത്രം അവർ അവനെ കരുതി . അവരുടെ വിശ്വാസരാഹിത്യം ഈശോയെ വിസ്മയിപ്പിക്കുക പോലും ചെയ്തു. എന്നാൽ സന്തതസഹചാരിയായി കൂടെ നടന്ന, പന്ത്രണ്ടു ശിഷ്യന്മാരിൽ ഒരുവനാവാൻ ഭാഗ്യം ലഭിച്ച തോമസ് തന്റെ…

“ഒരു ബാധ ഒഴിപ്പിക്കലിനിടയിൽ (എക്‌സോർസിസം) സാത്താൻ എന്നോട് പറഞ്ഞു, ഓരോ “നന്മ നിറഞ്ഞ മറിയവും’ എന്റെ ശിരസ്സിലേൽക്കുന്ന പ്രഹരമാണ്; ക്രിസ്ത്യാനികൾക്ക് ജപമാലയുടെ ശക്തി എത്ര എന്നറിയുമെങ്കിൽ അതെന്റെ അവസാനമാണ് “. ‘The Chief Exorcist of the Vatican’ എന്നറിയപ്പെട്ടിരുന്ന, ‘The Pope’s Exorcist’ എന്ന സിനിമയിലൂടെ ഇപ്പോഴും വാർത്തകളിൽ വന്നുകൊണ്ടിരിക്കുന്ന ഫാദർ ഗബ്രിയേൽ അമോർത്തിന്റെ വാക്കുകളാണിത്. 2013 ആകുമ്പോഴേക്ക് തന്റെ മിനിസ്ട്രി വഴി 160,000 ബാധ ഒഴിപ്പിക്കൽ പ്രക്രിയകൾ അദ്ദേഹം നടത്തിയെന്നാണ് പറയപ്പെടുന്നത് (ചിലത് മിനിറ്റുകളുടെ…

എമ്മാവൂസ് ശിഷ്യരെപ്പോൽ അങ്ങയെ തിരിയാതെ… തമസ്സിൽ ചരിക്കുമ്പോൾ എൻ മനം… ചെറുപ്പത്തിൽ സ്ഥിരമായി വീട്ടിലെ ടേപ്പ് റെക്കോർഡറിലൂടെ കേൾക്കാറുള്ള ഒരു പാട്ടിലെ ഇടക്കുള്ള വരികൾ. മുഴുവനാക്കാൻ ഓർമ്മയില്ല. പക്ഷേ, കൂടെയുള്ള അവനെ തിരിച്ചറിയാതെ, അവൻ എനിക്കായി ചെയ്തത് ഓർമ്മിക്കാതെ, കുർബ്ബാനയിൽ പങ്കെടുക്കുമ്പോൾ ഹൃദയത്തിൽ ജ്വലനം ഇല്ലാതെ എത്രയോ സമയങ്ങൾ ഞാനും പലപ്പോഴും ഇരുട്ടിൽ തപ്പി നടക്കാറുണ്ട് എന്നത് നല്ല നിശ്ചയമുണ്ട്. ഇന്നത്തെ ലോകത്തിന്റെ വഴികൾ അനുസരിച്ചാണെങ്കിൽ, ഉയിർപ്പിന് ശേഷം വലിയൊരു ആഘോഷം അവൻ ശിഷ്യന്മാരെയും മറ്റ് അനുയായികളെയും…

എന്തുകൊണ്ടാണ് ‘അന്ത്യ അത്താഴത്തിൽ’ മേശയുടെ മറുവശം ശൂന്യമായിരിക്കുന്നത്? ലിയനാർഡോ ഡാവിഞ്ചിയുടെ അന്ത്യ അത്താഴത്തിന്റെ ചിത്രത്തിൽ, മേശയുടെ ഒരു വശത്താണ് കൂടുതൽ പേരും എന്നത് നിങ്ങൾ ശ്രദ്ധിച്ചിട്ടുണ്ടോ? മറുവശത്ത് ശൂന്യമായ സ്ഥലമുണ്ട്. “എന്തുകൊണ്ടാണങ്ങനെ” ആരോ ഒരാൾ വിഖ്യാതനായ ആ ചിത്രകാരനോട് ചോദിച്ചു. അദ്ദേഹത്തിന്റെ ഉത്തരം ലളിതമായിരുന്നു. “അപ്പോൾ നമുക്കും അവരോട് കൂടെ ചേരാൻ ആവശ്യത്തിന് സ്ഥലമുണ്ടാവും”. ഭൂമിയിൽ നിങ്ങളുടെ കൂടെ ഈശോ ഇത് ചെയ്യണമെന്ന് ആഗ്രഹമുണ്ടോ? എങ്കിൽ ഒരു കസേര വലിച്ചിട്ട് അവനെ നിങ്ങളുടെ ഹൃദയത്തിൽ സ്വീകരിക്കൂ, പ്രത്യേകിച്ച്…

പരാതി നമ്മൾ ആവലാതിപ്പെടുമ്പോൾ ദൈവം കണ്ണുരുട്ടാറില്ല… അവന്റെ അമ്മ ചോദിച്ചില്ലേ ദേവാലയത്തിൽ വെച്ച്? ‘മകനെ , എന്തിന് നീ ഞങ്ങളോടിത് ചെയ്തു ?’ കുരിശിൽ കിടക്കുമ്പോൾ ക്രിസ്തു പറഞ്ഞില്ലേ പരാതി ? ‘എന്റെ ദൈവമേ , എന്തുകൊണ്ട് നീ എന്നെ കൈവിട്ടു?’ ‘എന്തുകൊണ്ട്??’ എന്ന് മകന് അപ്പനോട് ചോദിക്കാമെങ്കിൽ.. അമ്മ മകനോട് ചോദിച്ചെങ്കിൽ …. നിനക്ക് എന്തുകൊണ്ട് ആയിക്കൂടാ? നീ വിലപിക്കേണ്ടത് ദൈവത്തോടാണ്, മനുഷ്യരോടല്ല. ‘ദൈവം എന്തിനെന്നോടിത് ചെയ്തു?’ ചോദിക്കരുത് മനുഷ്യരോട്. ‘എന്റെ ദൈവമേ, എന്തിനെന്നോട് നീ…