⚜️⚜️⚜️ November 1️⃣4️⃣⚜️⚜️⚜️
വിശുദ്ധ ലോറന്സ് മെത്രാൻ
⚜️⚜️⚜️⚜️⚜️⚜️⚜️⚜️⚜️⚜️⚜️⚜️
അയര്ലന്ഡിലെ കില്ദാരെയില് ഏതാണ്ട് 1128-ലാണ് വിശുദ്ധ ലോറന്സ് ഒ’ ടൂളെ ജനിച്ചത്. അദ്ദേഹത്തിന്റെ പിതാവ് ഹൈ മുറെയിലെ മുഖ്യ നേതാവായിരുന്നു. അമ്മയാകട്ടെ ഒ’ ബിര്നെ വംശത്തില്പ്പെട്ടവളും. പത്താമത്തെ വയസ്സില് ലെയിന്സ്റ്ററിലെ രാജാവായ മാക് മുറെഹാദിന് ഒരു ആള്ജാമ്യമായി അദ്ദേഹത്തെ നല്കുകയും, വളരെ മനുഷ്യത്വരഹിതമായി രാജാവ് അദ്ദേഹത്തോട് പെരുമാറുകയും ചെയ്തു. അതിനാല് അദ്ദേഹത്തിന്റെ പിതാവുമായുള്ള ഉടമ്പടി പ്രകാരം വിശുദ്ധനെ ഗ്ലെന്ഡാലൊയിലെ മെത്രാന്റെ പക്കലേക്കയച്ചു. അവിടെ വെച്ചാണ് അദ്ദേഹം നന്മയുടെ മാതൃകയായാണ് ജീവിക്കാന് തീരുമാനിച്ചത്. അതിനാല് തന്റെ 25-മത്തെ വയസ്സില് മെത്രാന്റെ മരണശേഷം ഇദ്ദേഹത്തെ അവിടത്തെ മെത്രാനായി വാഴിച്ചു. അദ്ദേഹം തന്റെ ജനത്തെ വളരെയേറെ നന്മയിലും വിവേകത്തിലും നയിച്ചു. 1161-ല് ഡബ്ലിനിലെ പരിശുദ്ധ സഭയെ നയിക്കുവാനായി സര്വ്വസമ്മതനായി ഇദ്ദേഹം തിരഞ്ഞെടുക്കപ്പെട്ടു.
1171-ല് വിശുദ്ധ ലോറന്സ് തന്റെ രൂപതാ സംബന്ധമായ കാര്യങ്ങള്ക്കായി ഇംഗ്ലണ്ടിലെ ഹെന്റി രണ്ടാമനെ സന്ദര്ശിച്ചു. അവിടെ വിശുദ്ധ കുര്ബാന അര്പ്പിക്കുന്നതിനായി അള്ത്താരയിലേക്ക് വരുന്ന വഴി ഒരു സമനില തെറ്റിയവന് വിശുദ്ധനെ വളരെ ക്രൂരമായി ആക്രമിച്ചു. അവിടെ സന്നിഹിതരായവര് മരിക്കത്തക്കവണ്ണം വിശുദ്ധന് മുറിവേറ്റു എന്ന് കരുതിയെങ്കിലും വിശുദ്ധന് കുറച്ച് വെള്ളം ആവശ്യപ്പെടുകയും ഈ വെള്ളം വാഴ്ത്തി തന്റെ മുറിവില് പുരട്ടുകയും ചെയ്തു.
അത്ഭുതകരമായ രീതിയില് രക്തസ്രാവം നിലക്കുകയും ഈ മെത്രാപ്പോലീത്ത വിശുദ്ധ കുര്ബാന തുടരുകയും ചെയ്തു. തന്റെ ദൈവഭക്തിയും, അനുകമ്പയും, വിവേകവും മൂലം ഈ വിശുദ്ധന് വളരെയേറെ പ്രസിദ്ധനായിരുന്നു. കൂടാതെ ഒരു നല്ല മാദ്ധ്യസ്ഥന് എന്ന നിലക്കും വിശുദ്ധന് അറിയപ്പെട്ടിരുന്നു. 1180-ല നോര്മണ്ടിയിലെ യൂ (Eu) സ്ഥലത്ത് വച്ച് വിശുദ്ധന് മരണപ്പെടുകയും 1225-ല് ഹോണോറിയസ് മൂന്നാമന് മാര്പാപ്പ വിശുദ്ധനായി പ്രഖ്യാപിക്കുകയും ചെയ്തു. .
ഇതര വിശുദ്ധര്
⚜️⚜️⚜️⚜️⚜️⚜️⚜️
- യൂട്രെക്ടിലെ ആല്ബെറിക്
- തെയില്സിലെ ക്ലെമെന്തിനൂസ്
- വെയില്സിലെ ദിബ്രിസിയൂസ്
- പാഫ്ലഗോണിയായിലെ ഹൈപാഷിയൂസു
⚜️⚜️⚜️⚜️⚜️⚜️⚜️⚜️⚜️⚜️⚜️⚜️
അതിനാല്, ദൈവത്തിന്റെ എല്ലാ ആയുധങ്ങളും ധരിക്കുവിന്. തിന്മയുടെ ദിനത്തില് ചെറുത്തുനില്ക്കാനും എല്ലാ കര്ത്തവ്യങ്ങളും നിറവേറ്റിക്കൊണ്ട് പിടിച്ചുനില്ക്കാനും അങ്ങനെ നിങ്ങള്ക്കു സാധിക്കും.
എഫേസോസ് 6 : 13
അതിനാല്, സത്യം കൊണ്ട് അരമുറുക്കി, നീതിയുടെ കവചം ധരിച്ച് നിങ്ങള് ഉറച്ചുനില്ക്കുവിന്.
എഫേസോസ് 6 : 14
സമാധാനത്തിന്റെ സുവിശേഷത്തിനുള്ള ഒരുക്കമാകുന്ന പാദരക്ഷ കള് ധരിക്കുവിന്.
എഫേസോസ് 6 : 15
സര്വോപരി, ദുഷ്ടന്റെ ജ്വലിക്കുന്ന കൂരമ്പുകളെ കെടുത്തുന്നതിന് നിങ്ങളെ ശക്തരാക്കുന്ന വിശ്വാസത്തിന്റെ പരിച എടുക്കുവിന്.
എഫേസോസ് 6 : 16
രക്ഷയുടെ പടത്തൊപ്പി അണിയുകയും ദൈവവചനമാകുന്ന ആത്മാവിന്റെ വാള് എടുക്കുകയും ചെയ്യുവിന്.
എഫേസോസ് 6 : 17
ഇസ്രായേല് സമൂഹം മുഴുവന് സീന്മരുഭൂമിയില് നിന്നു പുറപ്പെട്ടു കര്ത്താവിന്റെ നിര്ദേശമനുസരിച്ച് പടിപടിയായിയാത്ര ചെയ്ത് റഫിദീമില് എത്തി പാളയമടിച്ചു.
പുറപ്പാട് 17:01(a)
വിശ്വാസത്തോടെ പ്രാര്ഥിക്കുന്നതെല്ലാം നിങ്ങള്ക്കു ലഭിക്കും.
മത്തായി 21 : 22
നിന്റെ ദൈവമായ കര്ത്താവ്, വിജയം നല്കുന്ന യോദ്ധാവ്, നിന്റെ മദ്ധ്യേ ഉണ്ട്.
സെഫാനിയാ 3 : 17
തെറ്റുചെയ്തിട്ട് അടിക്കപ്പെടുമ്പോള് ക്ഷമയോടെ സഹിച്ചാല് നിങ്ങള്ക്ക് എന്തു മഹ ത്വമാണുള്ളത്? നിങ്ങള് നന്മചെയ്തിട്ടു പീഡകള് സഹിക്കേണ്ടിവന്നാല്, അതു ദൈവസന്നിധിയില് പ്രീതികരമാണ്.
1 പത്രോസ് 2 : 20
ദൈവത്തില് മാത്രമാണ് എനിക്ക് ആശ്വാസം;
അവിടുന്നാണ് എനിക്കു രക്ഷനല്കുന്നത്.
അവിടുന്നു മാത്രമാണ് എന്റെ അഭയശിലയും കോട്ടയും;
ഞാന് കുലുങ്ങി വീഴുകയില്ല.
ചരിഞ്ഞമതിലും ആടുന്ന വേലിയും പോലുള്ള ഒരുവനെ തകര്ക്കാന് നിങ്ങള് എത്രനാള് ഒരുമ്പെടും?
അവന്റെ ഒൗന്നത്യത്തില്നിന്ന്അവനെ തള്ളിയിടാന്മാത്രമാണ്അവര് ആലോചിക്കുന്നത്.
അവര് വ്യാജത്തില് ആനന്ദിക്കുന്നു,
അധരങ്ങള്കൊണ്ട് അനുഗ്രഹിക്കുന്നു,
ഹൃദയംകൊണ്ടു ശപിക്കുന്നു.
സങ്കീര്ത്തനങ്ങള് 62 : 1-4
സത്യമായി ഞാന് നിങ്ങളോടു പറയുന്നു, നിങ്ങള് മാനസാന്തരപ്പെട്ട് ശിശുക്കളെപ്പോലെ ആകുന്നില്ലെങ്കില്, സ്വര്ഗരാജ്യത്തില് പ്രവേശിക്കുകയില്ല.
മത്തായി 18 : 3
🍥🥦🍥🥦🍥🥦🍥🥦🍥🥦🍥
കഷ്ടതകളിലൂടെ കടന്നുപോകുന്നെങ്കിലും, എന്റെ ജീവനെ അവിടുന്നുപരിപാലിക്കുന്നു;
എന്റെ ശത്രുക്കളുടെ ക്രോധത്തിനെ തിരേ അവിടുന്നു കരം നീട്ടും;
അവിടുത്തെ വലത്തുകൈ എന്നെ രക്ഷിക്കും.🕯️
📖 സങ്കീര്ത്തനങ്ങള് 138:7 📖
ദിവ്യകാരുണ്യം നന്മകളുടെ നന്മയാണ്. ജ്ഞാനത്തെ അതിശയിക്കുന്ന ജ്ഞാനവും സ്നേഹത്തിൻ്റെ അഗ്നിയും മനുഷ്യൻ്റെ നഗ്നതയെ മറയ്ക്കുന്ന വസ്ത്രവും അതുതന്നെ…..✍️
സീയന്നയിലെ വി. കാതറിൻ 🌻🌻
🍥🥦🍥🥦🍥🥦🍥🥦🍥🥦🍥
പുളിപ്പില്ലാത്ത അപ്പത്തിന്റെ ഒന്നാം ദിവസം ശിഷ്യന്മാര് യേശുവിന്റെ അടുത്തുവന്നു ചോദിച്ചു: നിനക്കു പെസഹാ എവിടെ ഒരുക്കണമെന്നാണ് നീ ആഗ്രഹിക്കുന്നത്?
അവന് പറഞ്ഞു: നിങ്ങള് പട്ടണത്തില് പോയി ഇന്നയാളുടെ അടുത്തു ചെന്ന് പറയുക: ഗുരു പറയുന്നു, എന്റെ സമയം സമാഗതമായി; ഞാന് എന്റെ ശിഷ്യന്മാരോടുകൂടെ നിന്റെ വീട്ടില് പെസഹാ ആചരിക്കും.
യേശു നിര്ദേശിച്ചതുപോലെ ശിഷ്യന്മാര് പെസഹാ ഒരുക്കി.
വൈകുന്നേരമായപ്പോള് അവന് പന്ത്രണ്ടു ശിഷ്യന്മാരോടൊത്ത് ഭക്ഷണത്തിനിരുന്നു.
ഭക്ഷിച്ചുകൊണ്ടിരിക്കെ, അവന് പറഞ്ഞു: സത്യമായി ഞാന് നിങ്ങളോടു പറയുന്നു, നിങ്ങളില് ഒരുവന് എന്നെ ഒറ്റിക്കൊടുക്കും.
അവര് അതീവ ദുഃഖിതരായി; കര്ത്താവേ, അതു ഞാന് അല്ലല്ലോ എന്ന് ഓരോരുത്തരും അവനോടു ചോദിക്കാന് തുടങ്ങി.
അവന് പ്രതിവചിച്ചു: എന്നോടുകൂടെ പാത്രത്തില്കൈ മുക്കുന്നവന് എന്നെ ഒറ്റിക്കൊടുക്കും.
മനുഷ്യപുത്രന്, എഴുതപ്പെട്ടിരിക്കുന്നതുപോലെ പോകുന്നു. എന്നാല്, മനുഷ്യപുത്രനെ ആര് ഒറ്റിക്കൊടുക്കുന്നുവോ അവനു ദുരിതം! ജനിക്കാതിരുന്നെങ്കില് അവനു നന്നായിരുന്നു!
അവനെ ഒറ്റിക്കൊടുക്കാനിരുന്ന യൂദാസ് അവനോടു ചോദിച്ചു: ഗുരോ, അതു ഞാനോ? അവന് പറഞ്ഞു: നീ പറഞ്ഞുകഴിഞ്ഞു.
മത്തായി 26 : 17-25
അവര് ഭക്ഷിച്ചുകൊണ്ടിരിക്കുമ്പോള് യേശു അപ്പമെടുത്ത് ആശീര്വദിച്ചു മുറിച്ച് ശിഷ്യന്മാര്ക്കു കൊടുത്തുകൊണ്ട് അരുളിച്ചെയ്തു: വാങ്ങി ഭക്ഷിക്കുവിന്; ഇത് എന്റെ ശരീരമാണ്.
അനന്തരം പാനപാത്രമെടുത്ത് കൃതജ്ഞതാസ്തോത്രം ചെയ്ത് അവര്ക്കുകൊടുത്തുകൊണ്ടു പറഞ്ഞു: നിങ്ങളെല്ലാവരും ഇതില്നിന്നു പാനം ചെയ്യുവിന്.
ഇതു പാപമോചനത്തിനായി അനേകര്ക്കുവേണ്ടി ചിന്തപ്പെടുന്നതും ഉട മ്പടിയുടേതുമായ എന്റെ രക്തമാണ്.
ഞാന് നിങ്ങളോടു പറയുന്നു, എന്റെ പിതാവിന്റെ രാജ്യത്തില് നിങ്ങളോടൊത്തു നവമായി ഇതു പാനം ചെയ്യുന്ന ദിവസംവരെ മുന്തിരിയുടെ ഈ ഫലത്തില്നിന്നു ഞാന് വീണ്ടും കുടിക്കുകയില്ല.
സ്തോത്രഗീതം ആലപിച്ചശേഷം അവര് ഒലിവുമലയിലേക്കു പോയി.
മത്തായി 26 : 26-30
Leave a Reply