നമ്മൾ സ്നേഹിക്കുന്ന പോലെ തിരിച്ചു നമ്മളെ ആരും സ്നേഹിക്കില്ല..

​ഹൃദയം വേദനയാൽ നീറുമ്പോൾ ചില തീരുമാനങ്ങൾ എടുക്കാറുണ്ട് ..

ഇനിയാരെയും അതിരു കവിഞ്ഞ് സ്നേഹിക്കില്ല.. ഹൃദയത്തിൽ സ്ഥാനം നൽകില്ല എന്നൊക്കെ.. പക്ഷേ അൽപ്പനേരത്തെ സന്തോഷതിന് മുമ്പിൽ ഈ തീരുമാനമെല്ലാം മറന്ന് പലരോടും അടുത്ത് പോകും.. വെറുതെ അവരുമായ് സമയം ചെലവിടാനായ് തിരക്കുകൾക്കിടയിലും സമയം കണ്ടെത്തും.. വിരലിലെണ്ണാവുന്ന ദിവസത്തിനകം വേദനയോടെ വീണ്ടും തിരിച്ചറിവ് ഉണ്ടാവും.. അവർക്ക് നമ്മൾ ആരും അല്ലായിരുന്നുവെന്ന്… എന്നിട്ടും മനസ് സമ്മതിക്കില്ല..അവരുമായി പങ്ക് വെച്ച നിമിഷങ്ങൾ ഓർത്ത് ചുണ്ടിൽ പുഞ്ചിരി വരുത്താൻ ശ്രമിക്കും.. വൈകാതെ തന്നെ അറിയും അവർക്ക് നമ്മൾ ഒരു ശല്യമാണെന്നും നമ്മളെ മറന്ന് അവർ മറ്റുള്ളവരുമായ് സന്തോഷിക്കുന്നവെന്നും…

അപ്പോൾ പഴയ തീരുമാനം മനസ്സിലേയ്ക്ക് വീണ്ടും കടന്നു വരും……. കുറച്ചുനാൾ ഉറച്ച തീരുമാനവുമായ് ഏകാന്തവാസം.. അതുകഴിഞ്ഞ് പുതുമുഖങ്ങൾ കടന്നു വരും… ഇത് ഇങ്ങനെ ആവർത്തിച്ചു കൊണ്ടിരിക്കും..

ജീവിതം ഇങ്ങനെയാണ് വേദനിക്കുന്നവർക്ക് എന്നും വേദന മാത്രമാണ് നൽകുക..