⚜️⚜️⚜️ November 1️⃣9️⃣⚜️⚜️⚜️
വിശുദ്ധ റാഫേല് കലിനോവ്സ്കി
⚜️⚜️⚜️⚜️⚜️⚜️⚜️⚜️⚜️⚜️⚜️⚜️
നോബിലിറ്റി കോളേജിലെ പ്രൊഫസ്സറായ ആന്ഡ്ര്യു കലിനോവ്സ്കിയുടെയും ജോസെപ്പാ പോയിയോന്സ്കാ കലിനോവ്സ്കിയുടെയും മകനായിട്ടായിരുന്നു വിശുദ്ധ റാഫേല് കലിനോവ്സ്കിയുടെ ജനനം. തന്റെ പിതാവിന്റെ സ്കൂളില് തന്നെയാണ് ഇദ്ദേഹവും പഠിച്ചത്. പൗരോഹിത്യത്തിലേക്കുള്ള ഒരു ഉള്വിളി ഉണ്ടായെങ്കിലും കോളേജ് വിദ്യാഭ്യാസം പൂര്ത്തിയാക്കുവാനാണ് അദ്ദേഹം ആഗ്രഹിച്ചത്.
റഷ്യയിലെ ഹോരി ഹോര്കി അഗ്രോണോമി ഇന്സ്റ്റിറ്റ്യൂട്ടില് നിന്നും, സെന്റ് പീറ്റേഴ്സ്ബര്ഗിലെ മിലിട്ടറി എഞ്ചിനീയറിംഗ് അക്കാദമിയില് നിന്നുമായി അദ്ദേഹം ജന്തുശാസ്ത്രം, രസതന്ത്രം, കൃഷി ശാസ്ത്രവും പഠിച്ചു.
1857-ല് റഷ്യന് മിലിട്ടറിയില് ലെഫ്നന്റ് ആയി. ഇദ്ദേഹമാണ് കുര്സ്ക്-ഒടേസ്സ എന്നീ സ്ഥലങ്ങള്ക്കിടയില് റെയില് ഗതാഗത നിര്മാണത്തിന്റെ പദ്ധതിയും മേല്നോട്ടവും നിര്വഹിച്ചത്. 1862-ല് ക്യാപ്റ്റന് ആയി സ്ഥാനകയറ്റം ലഭിച്ചു. ബ്രെസ്റ്റ്-ലിറ്റോവ്സ്ക് എന്ന സ്ഥലത്തായിരുന്നു നിയമനം. അവിടെ വിശുദ്ധന് മത പഠന ക്ലാസ്സുകള് ആരംഭിക്കുകയും, അനേകരെ വിശ്വാസത്തിലേക്ക് ആനയിക്കുകയും ചെയ്തു. അതിന്റെ സര്വ്വ ചിലവുകളും ഇദ്ദേഹമാണ് വഹിച്ചിരുന്നത്. താല്പ്പര്യമുള്ള ആര്ക്കും ഇവിടെ പഠിക്കാമായിരുന്നു.
1863-ലെ ഉണ്ടായ പോളിഷ് കലാപത്തെ വിശുദ്ധന് പിന്തുണച്ചു. തുടര്ന്ന് റഷ്യന് സൈന്യത്തില് നിന്നും രാജിവെച്ച ഇദ്ദേഹം, താന് ആര്ക്കും വധശിക്ഷ വിധിക്കില്ല ഒരു തടവ് പുള്ളിയെയും വധിക്കുകയില്ല എന്ന ഉടമ്പടിമേല് വില്നാ പ്രദേശത്ത് കലാപകാരികളുടെ മന്ത്രിയായി. 1864 മാര്ച്ച് 25ന് അദ്ദേഹത്തെ റഷ്യന് അധികാരികള് തടവിലാക്കി. 1864-ജൂണില് വധശിക്ഷക്ക് വിധിച്ചെങ്കിലും ഇത് ഒരു രാഷ്ട്രീയ രക്തസാക്ഷിയെ സൃഷ്ടിക്കും എന്നുള്ള ഭയത്താല് സൈബീരിയയിലെ ഉപ്പ് ഖനിയില് നിര്ബന്ധിത സേവനത്തിനായി വിശുദ്ധനെ അയച്ചു. ശിക്ഷാവിധിയിലെ കുറേകാലം ഇര്കുട്സ്ക് എന്ന സ്ഥലത്തായിരുന്നു ചിലവഴിച്ചത്. ഇദ്ദേഹത്തിന്റെ ഭൗതികാവശിഷ്ടങ്ങള് ഈ സ്ഥലത്തുള്ള ഒരു പുതിയ പള്ളിയില് സൂക്ഷിച്ച് ആദരിച്ചു വരുന്നു.
1873-ല് മോചനം നേടിയ വിശുദ്ധന് തന്റെ ജന്മദേശമായ ലിത്വാനിയ വിട്ട് ഫ്രാന്സിലെ പാരീസിലെത്തുകയും അവിടെ അദ്ധ്യാപക വൃത്തി ചെയ്തു ജീവിക്കുകയും ചെയ്തു. അവസാനം 1877-ല് അദ്ദേഹം ദൈവവിളി സ്വീകരിച്ചുകൊണ്ട് ഓസ്ട്രിയായിലെ ഗ്രാസിലുള്ള കാര്മ്മലൈറ്റ് സഭയില് ചേരുകയും റാഫേല് എന്ന നാമം സ്വീകരിക്കുകയും ചെയ്തു. ഹംഗറിയില് ദൈവശാസ്ത്രം പഠിച്ചു. പിന്നീട് പോളണ്ടിലെ സാമായിലുള്ള കാര്മ്മലൈറ്റ് ആശ്രമത്തില് ചേരുകയും 1882 ജനുവരി 15ന് അഭിഷിക്തനാവുകയും ചെയ്തു.
പോളണ്ടില് വിഭജിച്ച് കിടക്കുന്ന കര്മ്മലീത്തക്കാരെ ഏകീകരിക്കുകയും സഭയുടെ ഐക്യത്തിനായി പ്രവര്ത്തിക്കുകയും ചെയ്തു. 1889-ല് പോളണ്ടിലെ വാഡോവിസ് എന്ന സ്ഥലത്ത് ഒരു സന്യാസിനീ മഠം സ്ഥാപിച്ചു. വാഴ്ത്തപ്പെട്ട അല്ഫോണ്സസ് മേരി മാരുരേക്കിനൊപ്പം വിശുദ്ധന് പ്രവര്ത്തിച്ചിട്ടുണ്ട്. കത്തോലിക്കര്ക്കിടയിലും ഓര്ത്തഡോക്സ് ക്രൈസ്തവര്ക്കിടയിലും ആദ്ധ്യാത്മിക നിയന്താവ് എന്ന നിലയില് വിശുദ്ധന് പ്രശസ്തനാണ്. ഉത്സുകിയായ ഇടവക വികാരി എന്ന നിലയില് മണിക്കൂറുകളോളം ഇദ്ദേഹം ഇടവക ജനത്തിനിടയില് കുമ്പസാരത്തിനും മറ്റ് ഭക്തി കാര്യങ്ങള്ക്കുമായി വിശുദ്ധന് ചിലവഴിച്ചിട്ടുണ്ട്. 1983 ജൂണ് 22ന് പോളണ്ടിലെ ക്രാക്കോവില് വച്ച് ജോണ് പോള് രണ്ടാമന് മാര്പാപ്പ വിശുദ്ധ പദവിയിലേക്ക് ഉയര്ത്തി.
ഇതര വിശുദ്ധര്
⚜️⚜️⚜️⚜️⚜️⚜️
- പ്രവാചകനായ അബ്ദിയാസ്
- അനസ്താസിയാസു ദ്വിതീയന് പാപ്പാ
- ഏഷ്യാമൈനറില് ഇസൗരിയായില് ആസാസ്
- സെസരയായിലെ ബാര്ലാം
- അന്റലുഷ്യായിലെ ക്രിസ്പിന്. ⚜️⚜️⚜️⚜️⚜️⚜️⚜️⚜️⚜️⚜️⚜️⚜️
നിയമദാതാവുംന്യായാധിപനുമായി ഒരുവനേയുള്ളൂ. അവിടുന്നു രക്ഷിക്കാനും നശിപ്പിക്കാനും കഴിവുള്ളവനാണ്. എന്നാല് അയല്ക്കാരനെ വിധിക്കാന് നീ ആരാണ്?
യാക്കോബ് 4 : 12
അവിടുന്ന് എന്റെ സഹായമാണ്;
അങ്ങയുടെ ചിറകിന്കീഴില്ഞാന് ആനന്ദിക്കും.
എന്റെ ആത്മാവ് അങ്ങയോട്ഒട്ടിച്ചേര്ന്നിരിക്കുന്നു; അങ്ങയുടെവലത്തുകൈ എന്നെതാങ്ങിനിര്ത്തുന്നു.
എന്റെ ജീവന് നശിപ്പിക്കാന് നോക്കുന്നവര്
ഭൂമിയുടെ അഗാധഗര്ത്തങ്ങളില് പതിക്കും.
സങ്കീര്ത്തനങ്ങള് 63 : 7-9
“സത്യസന്ധരെ ദുര്മാര്ഗ്ഗത്തിലേക്കു
നയിക്കുന്നവന് താന് കുഴിച്ച കുഴിയില്ത്തന്നെ വീഴും;
നിഷ്കളങ്കര്ക്കു നന്മ ഭവിക്കും.” സുഭാഷിതങ്ങള് 28 : 10
“ബലഹീനതകളിലും ആക്ഷേപങ്ങളിലും ഞെരുക്കങ്ങളിലും പീഡനങ്ങളിലും അത്യാഹിതങ്ങളിലും ഞാന് ക്രിസ്തുവിനെ പ്രതി സന്തുഷ്ടനാണ്. എന്തെന്നാല്, ബലഹീനനായിരിക്കുമ്പോഴാണു ഞാന് ശക്തനായിരിക്കുന്നത്.” 2 കോറിന്തോസ് 12 : 10
ശുദ്ധീകരണാത്മാക്കളുടെ വണക്കമാസം: പത്തൊമ്പതാം തീയതി
ജപം
മൂന്നു പരിശുദ്ധ ബാലന്മാരെ തീച്ചൂളയുടെ ജ്വാലയില് നിന്ന് കാത്തുരക്ഷിച്ചവനും, ദീര്ഘദര്ശിയായ ദാനിയേലിനെ സിംഹത്തിന്റെ കുഴിയില് നിന്നു കാത്തുരക്ഷിച്ചവനും, കഠിനമായ വേദനകളില് വേദസാക്ഷികള്ക്ക് ധൈര്യം കൊടുത്തവനുമായിരിക്കുന്ന സര്വ്വേശ്വരാ! ഞങ്ങള് അങ്ങേ സന്നിധിയില് സമര്പ്പിച്ച് വരുന്ന പ്രാര്ത്ഥനകളെ കൃപയോടുകൂടെ കൈക്കൊണ്ടു ശുദ്ധീകരണസ്ഥലത്തിലെ ജ്വാലയില് നിന്നും സകല വേദനകളില് നിന്നും മരിച്ചവരുടെ ആത്മാക്കളെ വീണ്ടെടുത്ത് പ്രതാപമുള്ള അങ്ങേ തിരുസന്നിധിയില് ചേര്ത്തു കൊള്ളണമേ. ആമ്മേന്.
മരിച്ച വിശ്വാസികളുടെ ആത്മാക്കള്ക്ക് തമ്പുരാന്റെ മനോഗുണത്താല് മോക്ഷത്തില് ചേരുവാന് ഇടയുണ്ടായിരിക്കട്ടെ.
നിത്യപിതാവേ! ഈശോമിശിഹാ കര്ത്താവിന്റെ വിലമതിയാത്ത തിരുച്ചോരയെക്കുറിച്ച് മരിച്ച വിശ്വാസികളുടെമേല് കൃപയായിരിക്കണമേ.
സൂചന
(മരിച്ച വിശ്വാസികളുടെ ആത്മാക്കള്ക്കു വേണ്ടി ഈശോയുടെ അഞ്ചു തിരുമുറിവുകളെക്കുറിച്ച് താഴെ കൊടുത്തിരിക്കും വിധം അഞ്ചു പ്രാവശ്യം ചൊല്ലുക)
മരിച്ച വിശ്വാസികളുടെ ആത്മാക്കള്ക്കു തമ്പുരാന്റെ മനോഗുണത്താല് മോക്ഷത്തില് ചേരുവാൻ അനുഗ്രഹമുണ്ടായിരിക്കട്ടെ
നിത്യപിതാവേ, ഈശോമിശിഹാ കര്ത്താവിന്റെ വിലമതിയാത്ത തിരുച്ചോരയെക്കുറിച്ച് അവരുടെമേല് കൃപയുണ്ടാകണമേ. 1 സ്വര്ഗ്ഗ. 1 നന്മ. 1 ത്രിത്വ.
സുകൃതജപം
ഈശോ മിശിഹായുടെ ദിവ്യ ഹൃദയമേ! ഞങ്ങളുടെമേല് അലിവായിരിക്കണമേ.
സല്ക്രിയ
ശുദ്ധീകരിക്കപ്പെടുന്ന ആത്മാക്കളെ പ്രതി ഇന്ന് ഉപവസിക്കുക.
സിംഹക്കുട്ടികള് ഇരകിട്ടാതെവിശന്നുവലഞ്ഞേക്കാം;
കര്ത്താവിനെ അന്വേഷിക്കുന്നവര്ക്ക്ഒന്നിനും കുറവുണ്ടാവുകയില്ല.
സങ്കീര്ത്തനങ്ങള് 34 : 10
കര്ത്താവാണു നിന്റെ കാവല്ക്കാരന്;
നിനക്കു തണലേകാന് അവിടുന്നുനിന്റെ വലത്തുഭാഗത്തുണ്ട്.
സങ്കീര്ത്തനങ്ങള് 121 : 5
ക്രിസ്തുവിനെ കര്ത്താവായി നിങ്ങളുടെ ഹൃദയത്തില് പൂജിക്കുവിന്. നിങ്ങള്ക്കുള്ള പ്രത്യാശയെപ്പറ്റി വിശദീകരണം ആവശ്യപ്പെടുന്ന ഏവരോടും മറുപടി പറയാന് സദാ സന്നദ്ധരായിരിക്കുവിന്.
1 പത്രോസ് 03:15
🍥🥦🍥🥦🍥🥦🍥🥦🍥🥦🍥
🕯️ഓരോ പ്രവൃത്തിയും ചെയ്യുമ്പോള്ജീവിതാന്തത്തെപ്പറ്റി ഓര്ക്കണം;
എന്നാല്, നീ പാപംചെയ്യുകയില്ല.🕯️
📖പ്രഭാഷകന് 7 : 36📖
ദിവ്യകാരുണ്യസ്വീകരണം സ്വര്ഗത്തിലേക്കുള്ള സുരക്ഷിതപാതയാണ്.
പത്താം പീയുസ് പാപ്പാ. 🌻🌻
🍥🥦🍥🥦🍥🥦🍥🥦🍥🥦🍥
എന്നാല്, നിങ്ങളുടെ ശരീരം പാപംനിമിത്തം മൃതമാണെങ്കിലും ക്രിസ്തു നിങ്ങളിലുണ്ടെങ്കില് നിങ്ങളുടെ ആത്മാവ് നീതിനിമിത്തം ജീവനുള്ള തായിരിക്കും.
റോമാ 8 : 10
യേശുവിനെ മരിച്ചവരില്നിന്ന് ഉയിര്പ്പിച്ചവന്റെ ആത്മാവ് നിങ്ങളില് വസിക്കുന്നുണ്ടെങ്കില്, യേശുക്രിസ്തുവിനെ ഉയിര്പ്പിച്ചവന് നിങ്ങളുടെ മര്ത്യശരീരങ്ങള്ക്കും നിങ്ങളില് വസിക്കുന്നതന്റെ ആത്മാവിനാല് ജീവന് പ്രദാനം ചെയ്യും.
റോമാ 8 : 11
ആകയാല്, സഹോദരരേ, ജഡികപ്രവണതകള്ക്കനുസരിച്ചു ജീവിക്കാന് നാം ജ ഡത്തിനു കടപ്പെട്ടവരല്ല.
റോമാ 8 : 12
ജഡികരായി ജീവിക്കുന്നെങ്കില് നിങ്ങള് തീര്ച്ചയായും മരിക്കും. എന്നാല്, ശരീരത്തിന്റെ പ്രവണതകളെ ആത്മാവിനാല് നിഹനിക്കുന്നെങ്കില് നിങ്ങള് ജീവിക്കും.
റോമാ 8 : 13
ദൈവാത്മാവിനാല് നയിക്കപ്പെടുന്നവരെല്ലാം ദൈവത്തിന്റെ പുത്രന്മാരാണ്.
റോമാ 8 : 14