സങ്കീർത്തനങ്ങൾ, അദ്ധ്യായം 113
ഉന്നതനും കാരുണ്യവാനുമായ ദൈവം
1 കര്ത്താവിനെ സ്തുതിക്കുവിന്! കര്ത്താവിന്റെ ദാസരേ, അവിടുത്തെ സ്തുതിക്കുവിന്! കര്ത്താവിന്റെ നാമത്തെ സ്തുതിക്കുവിന്!
2 കര്ത്താവിന്റെ നാമം ഇന്നുമെന്നേക്കുംവാഴ്ത്തപ്പെടട്ടെ!
3 ഉദയം മുതല് അസ്തമയംവരെ കര്ത്താവിന്റെ നാമം വാഴ്ത്തപ്പെടട്ടെ!
4 കര്ത്താവു സകല ജനതകളുടെയുംമേല് വാഴുന്നു; അവിടുത്തെ മഹത്വം ആകാശത്തിനുമീതേ ഉയര്ന്നിരിക്കുന്നു.
5 നമ്മുടെ ദൈവമായ കര്ത്താവിനു തുല്യനായി ആരുണ്ട്? അവിടുന്ന് ഉന്നതത്തില് ഉപവിഷ്ടനായിരിക്കുന്നു.
6 അവിടുന്നു കുനിഞ്ഞ് ആകാശത്തെയുംഭൂമിയെയും നോക്കുന്നു.
7 അവിടുന്നു ദരിദ്രനെ പൊടിയില്നിന്ന്ഉയര്ത്തുന്നു; അഗതിയെ ചാരക്കൂനയില്നിന്ന് ഉദ്ധരിക്കുന്നു.
8 അവരെ പ്രഭുക്കന്മാരോടൊപ്പം, തന്റെ ജനത്തിന്റെ പ്രഭുക്കന്മാരോടൊപ്പം, ഇരുത്തുന്നു.
9 അവിടുന്നു വന്ധ്യയ്ക്കു വസതി കൊടുക്കുന്നു; മക്കളെ നല്കി അവളെ സന്തുഷ്ടയാക്കുന്നു; കര്ത്താവിനെ സ്തുതിക്കുവിന്.
The Book of Psalms | സങ്കീർത്തനങ്ങൾ | Malayalam Bible | POC Translation