Oru Kaikumbil Kannerumay – Lyrics

ഒരു കൈക്കുമ്പിൾ കണ്ണീരുമായ് ഞാൻ
ക്രൂശിതരൂപത്തെ നോക്കി നില്ക്കെ
കരുണയാൽ തഴുകുമാ മിഴികളിൽ നിന്നും
ഞാൻ തിരിച്ചറിഞ്ഞിതു തിരുഹിതമെന്നു ;
കണ്ണുനീർ ബാഷ്പധാരയായെന്ന് !
തണലേകിയോർ തളർത്തിയ നാളിൽ
തുണയായ് നിന്നത് നീയൊരുവൻ
വഴിവിളക്കാകേണ്ടോർ മിഴിയടച്ചന്നാൾ
മിഴിതുടച്ചാശ്വാസം തന്നതും നീ .
യേശുവേ , ഈ ക്രൂശിൽ ചേർക്കേണമേ
എന്നെയും നിൻ മകളായ് / മകനായ് മാറ്റേണമേ !
അലിവറ്റവർ കുരിശുചമച്ചപ്പോൾ
കദനഭാരം അറിഞ്ഞവൻ നീ .
തീരം കാണില്ലെന്നു തിരകളലറവെ
ജീവിതവഞ്ചി തുഴഞ്ഞതും നീ .
യേശുവേ നിൻ വഴിയിൽ നിർത്തേണമെ
എന്നെയും നിൻ പ്രിയനായ് / പ്രിയയായ് മാറ്റേണമേ !