♦️♦️♦️ August 2️⃣4️⃣♦️♦️♦️
വിശുദ്ധ ബര്ത്തലോമിയോ ശ്ലീഹ
♦️♦️♦️♦️♦️♦️♦️♦️♦️♦️♦️♦️
വേദപാരംഗതനായിരുന്ന വിശുദ്ധ ബര്ത്തലോമിയോ, അപ്പസ്തോലനായിരുന്ന വിശുദ്ധ ഫിലിപ്പോസിന്റെ ഒരു അടുത്ത സുഹൃത്തായിരുന്നു. അദ്ദേഹത്തിന്റെ മനസ്സ് എപ്പോഴും സത്യത്തിനു നേരെ തുറന്നിട്ടിരുന്നു. വിശുദ്ധന് സ്വന്തം ഇഷ്ടപ്രകാരം ഫിലിപ്പോസിനോടൊപ്പം യേശുവിനെ കാണുവാനായി വരികയും, കണ്ട മാത്രയില് തന്നെ അത് രക്ഷകനായ ദൈവപുത്രനാണെന്ന സത്യം തിരിച്ചറിയുകയും ചെയ്തു. ആദ്യ പെന്തക്കോസ്ത് ദിനത്തില് പരിശുദ്ധാത്മാവിന്റെ വരദാനങ്ങളാല് സമ്മാനിതനായ ബര്ത്തലോമിയോ ഏഷ്യാ മൈനര്, വടക്ക് പടിഞ്ഞാറന് ഇന്ത്യ, അര്മേനിയ എന്നിവിടങ്ങളില് സുവിശേഷം പ്രചരിപ്പിച്ചു.
വിശുദ്ധ യോഹന്നാന്റെ സുവിശേഷത്തില് നഥാനിയേല് എന്ന പേരിലാണ് വിശുദ്ധ ബര്ത്തലോമിയോ അറിയപ്പെടുന്നത്. ഗലീലിയിലെ കാനാ സ്വദേശിയായ വിശുദ്ധ ബര്ത്തലോമിയോ യേശു തിരഞ്ഞെടുത്ത ആദ്യ ശിഷ്യന്മാരില് ഒരാളായിരുന്നു. യേശുവുമായിട്ടുള്ള വിശുദ്ധന്റെ ആദ്യത്തെ കൂടിക്കാഴ്ചയില് യേശു വിശുദ്ധനെക്കുറിച്ച് ഇപ്രകാരമാണ് പറഞ്ഞത്: “ഇതാ! നിഷ്കപടനായ ഒരു യഥാര്ത്ഥ ഇസ്രയേല്ക്കാരന്”. യേശുവിന്റെ ഉത്ഥാനത്തിന് ശേഷം ഗലീലി സമുദ്രത്തില് വെച്ച് ഉയിര്ക്കപ്പെട്ട രക്ഷകന്റെ പ്രത്യക്ഷപ്പെടലിന് സാക്ഷ്യം വഹിക്കുവാന് ഭാഗ്യം ലഭിച്ച ചുരുക്കം ചില അപ്പസ്തോലന്മാരില് ഒരാളാണ് വിശുദ്ധ ബര്ത്തലോമിയോ (യോഹന്നാന് 21:2). യേശുവിന്റെ സ്വര്ഗ്ഗാരോഹണത്തേ തുടര്ന്ന് വിശുദ്ധ ബര്ത്തലോമിയോ അര്മേനിയായില് സുവിശേഷം പ്രഘോഷിക്കുകയും, അവിടെവെച്ച് രക്തസാക്ഷിത്വം വരിച്ചതായും പറയപ്പെടുന്നു.
ജീവനോട് കൂടി തന്നെ വിശുദ്ധന്റെ ശരീരത്തില് നിന്നും തൊലി ഉരിയുകയായിരുന്നുവെന്നാണ് ചരിത്രകാരന്മാര് രേഖപ്പെടുത്തിയിരിക്കുന്നത്. അര്മേനിയക്കാര് തങ്ങളുടെ രാഷ്ട്രത്തിന്റെ അപ്പസ്തോലന് എന്ന നിലക്ക് വിശുദ്ധനെ ആദരിച്ചു വരുന്നു. വിശുദ്ധന്റെ തിരുശേഷിപ്പുകളെക്കുറിച്ച് രക്തസാക്ഷിത്വ പട്ടികയില് ഇപ്രകാരം വിവരിച്ചിരിക്കുന്നു: “വിശുദ്ധന്റെ ദിവ്യമായ ഭൗതീക ശരീരം ആദ്യം ലിപാരി ദ്വീപിലേക്കും (വടക്കന് സിസിലി), അതിനു ശേഷം ബെനെവെന്റോയിലേക്കും കൊണ്ട് വന്നു. അവിടെ നിന്നും റോമിലെ ടിബേര് നദിയിലെ ഒരു ദ്വീപില് കൊണ്ട് വരികയും അവിടെ വിശ്വാസികള് വളരെ ആദരപൂര്വ്വം അതിനെ ആദരിക്കുകയും ഭക്തിപൂര്വ്വം വണങ്ങുകയും ചെയ്തു വരുന്നു.”
അര്മേനിയന് സഭക്ക് ഇപ്രകാരമൊരു ദേശീയ പുരാവൃത്തമുണ്ട്: വിശുദ്ധ യൂദാതദേവൂസും, വിശുദ്ധ ബര്ത്തലോമിയോയും ഒന്നാം നൂറ്റാണ്ടിന്റെ ആരംഭത്തില് അവിടെ വരികയും ‘ആഹൂറ മസ്ദ എന്ന ദേവനെ ആരാധിച്ചിരുന്നവര്ക്കിടയില് ക്രിസ്തുമതം പ്രചരിപ്പിക്കുകയും ചെയ്തു. ആ പുതിയ മതം ആ ദേശം മുഴുവന് പ്രചരിക്കുകയും, പിന്നീട് A.D 302-ല് ഉജ്ജ്വല സുവിശേഷകനായിരുന്ന വിശുദ്ധ ഗ്രിഗറി അര്മേനിയായിലെ രാജാവായിരുന്ന മഹാനായ ഡെര്ട്ടാഡിനേയും, അദ്ദേഹത്തിനെ നിരവധി അനുയായികളേയും ജ്ഞാനസ്നാനപ്പെടുത്തുകയും ചെയ്തു. ഒരു പക്ഷേ തന്റെ രാജ്യത്തിനു വേണ്ടി ക്രിസ്തുമതം സ്വീകരിക്കുന്ന ആദ്യ ഭരണാധികാരി ഡെര്ട്ടാഡായതിനാല് അര്മേനിയക്കാര് തങ്ങളാണ് ആദ്യത്തെ ക്രിസ്തീയ രാജ്യം എന്ന് അവകാശപ്പെടുന്നു.
ഇതര വിശുദ്ധര്
♦️♦️♦️♦️♦️♦️♦️
- സ്പെയിനിലെ ഔറെയാ
- വിയാലാറിലെ എമിലി
- യോഹന്നാന്റെ ഒരു ഫ്രിജിയന് ശിഷ്യനായിരുന്ന എവുട്ടിക്കിയോസ്
- രൂവെന് ബിഷപ്പായിരുന്ന ഉറവന്
- ഏഷ്യാ മൈനറിലെ ഒരു സന്യാസിയായിരുന്ന ജോര്ജ് ലിമ്നിയോട്സ്
- പിക്റ്റ്സുകളുടെ പ്രേഷിതനായിരുന്ന ഇര്ക്യാര്ഡ്
♦️♦️♦️♦️♦️♦️♦️♦️♦️♦️♦️♦️
വിശ്വാസംവഴി ക്രിസ്തു നിങ്ങളുടെ ഹൃദയങ്ങളില് വസിക്കണമെന്നും, നിങ്ങള് സ്നേഹത്തില് വേരുപാകി അടിയുറയ്ക്കണമെന്നും ഞാന് പ്രാര്ഥിക്കുന്നു.
എഫേസോസ് 3 : 17
എല്ലാ വിശുദ്ധരോടുമൊപ്പം ക്രിസ്തുവിന്റെ സ്നേഹത്തിന്റെ നീളവും വീതിയും ഉയരവും ആഴവും ഗ്രഹിക്കാന് നിങ്ങള്ക്കു ശക്തി ലഭിക്കട്ടെ.
എഫേസോസ് 3 : 18
അറിവിനെ അതിശയിക്കുന്ന ക്രിസ്തുവിന്റെ സ്നേഹം നിങ്ങള് ഗ്രഹിക്കാനും അതുവഴി ദൈവത്തിന്റെ സംപൂര്ണതയാല് നിങ്ങള് പൂരിതരാകാനും ഇടയാകട്ടെ.
എഫേസോസ് 3 : 19
നമ്മില് പ്രവര്ത്തിക്കുന്ന ശക്തിയാല് നാം ചോദിക്കുന്നതിലും ആഗ്രഹിക്കുന്നതി ലും വളരെക്കൂടുതല് ചെയ്തുതരാന് കഴിയുന്ന
എഫേസോസ് 3 : 20
അവിടുത്തേക്കു സഭയിലും യേശുക്രിസ്തുവിലും തലമുറകളോളം എന്നേക്കും മഹത്വമുണ്ടാകട്ടെ! ആമേന്.
എഫേസോസ് 3 : 21
സമാധാനത്തിന്റെ ദൈവം ഉടന്തന്നെ പിശാചിനെ നിങ്ങളുടെ കാല്ക്കീഴിലാക്കി തകര്ത്തുകളയും. നമ്മുടെ കര്ത്താവായ യേശുക്രിസ്തുവിന്റെ കൃപ നിങ്ങളോടുകൂടെ ഉണ്ടായിരിക്കട്ടെ!
റോമാ 16 : 20
അവന് എല്ലാവര്ക്കും വേണ്ടി തന്നെത്തന്നെ മോചനമൂല്യമായി നല്കി. അവന് യഥാകാലം നല്കപ്പെട്ട ഒരു സാക്ഷ്യവുമായിരുന്നു.
1 തിമോത്തേയോസ് 2 : 6
അങ്ങ് എനിക്കു നീതി നടത്തിത്തന്നിരിക്കുന്നു;
അങ്ങുന്യായാസനത്തിലിരുന്നുനീതിപൂര്വകമായ വിധി പ്രസ്താവിച്ചു.
അവിടുന്നു ജനതകളെ ശകാരിച്ചു;
അവിടുന്നു ദുഷ്ടരെ നശിപ്പിച്ചു;
അവരുടെ നാമം എന്നേക്കുമായി മായിച്ചുകളഞ്ഞു.
ശത്രു നാശക്കൂമ്പാരത്തില്അപ്രത്യക്ഷമായിരിക്കുന്നു;
അവരുടെ നഗരങ്ങളെ അങ്ങ്ഉന്മൂലനം ചെയ്തു;
അവരുടെ സ്മരണപോലുംമാഞ്ഞുപോയിരിക്കുന്നു.
എന്നാല്, കര്ത്താവ് എന്നേക്കുമായിസിംഹാസനസ്ഥനായിരിക്കുന്നു;
ന്യായവിധിക്കാണ് അവിടുന്നുസിംഹാസനം സ്ഥാപിച്ചിരിക്കുന്നത്.
സങ്കീര്ത്തനങ്ങള് 9 : 4-7
🍥🥦🍥🥦🍥🥦🍥🥦🍥🥦🍥
🕯️കര്ത്താവേ, ഞാന് അങ്ങയുടെ സത്യത്തില് നടക്കേണ്ടതിന് അങ്ങയുടെ വഴി എന്നെ പഠിപ്പിക്കണമേ!
അങ്ങയുടെ നാമത്തെ ഭയപ്പെടാന്
എന്റെ ഹൃദയത്തെ ഏകാഗ്രമാക്കണമേ!🕯️
📖 സങ്കീര്ത്തനങ്ങള് 86:11 📖
ദൈവീക പ്രതിഛായ നമ്മിൽ പൂർണമാക്കാനാണ് ദിവ്യകാരുണ്യം നൽകപ്പെട്ടിരിക്കുന്നത്… ✍️
എഡ്വേർഡ് ലീൻ 🌻🌻
🍥🥦🍥🥦🍥🥦🍥🥦🍥🥦🍥
മറ്റുളളവരെ കാണിക്കാന്വേണ്ടി അവരുടെ മുമ്പില്വച്ചു നിങ്ങളുടെ സത്കര്മങ്ങള് അനുഷ്ഠിക്കാതിരിക്കാന് സൂക്ഷിച്ചുകൊള്ളുവിന്. അല്ലെങ്കില് നിങ്ങളുടെ സ്വര്ഗ സ്ഥനായ പിതാവിങ്കല് നിങ്ങള്ക്കു പ്രതിഫലമില്ല.
മറ്റുള്ളവരില്നിന്നു പ്രശംസ ലഭിക്കാന് കപടനാട്യക്കാര് സിനഗോഗുകളിലും തെരുവീഥികളിലും ചെയ്യുന്നതുപോലെ, നീ ഭിക്ഷകൊടുക്കുമ്പോള് നിന്റെ മുമ്പില് കാഹളം മുഴക്കരുത്. സത്യമായി ഞാന് നിങ്ങളോടു പറയുന്നു: അവര്ക്കു പ്രതിഫലം ലഭിച്ചുകഴിഞ്ഞു.
നീ ധര്മദാനം ചെയ്യുമ്പോള് അതു രഹസ്യമായിരിക്കേണ്ടതിന് നിന്റെ വലത്തുകൈ ചെയ്യുന്നത് ഇടത്തുകൈ അറിയാതിരിക്കട്ടെ.
രഹസ്യങ്ങള് അറിയുന്ന നിന്റെ പിതാവ് നിനക്കു പ്രതിഫലം നല്കും.
മത്തായി 6 : 1-4
Leave a Reply